web counter
LEXO PA REKLAMA!

SHKARKO APP

App Store
Google Play

E rrallë në Berlin/ Kokaina “pushton” supermarketet në arkat me banane

25 Prill 2024, 15:57, Kosova & Bota CNA

E rrallë në Berlin/ Kokaina “pushton” supermarketet

Një sasi e madhe kokaine u gjet në disa supermarkete në Berlin dhe Brandenburg, siç raporton gazeta gjermane "Bild".

Punëtorët e supermarketeve në Gjermani që shesin produkte me çmime të ulëta, janë shokuar nga zbulimi i kokainës në mallra të ndryshme.

Aktualisht nuk dihet numri i supermarketeve të Berlinit ku u gjet droga. Në Brandenburg, megjithatë, policia dyshohet se gjeti drogë në katër supermarkete.

Siç raporton gazeta gjermane, autoritetet vlerësojnë se sasia e kokainës që ata kanë zbuluar në mall varion nga 20 deri në 100 kilogramë për supermarket.

Policia është ende në hetimin e mallit, dhe për këtë arsye mbetet e paqartë sasia totale e kokainës që pritet të sekuestrohet.

Bëhet e ditur se punonjësit e kanë gjetur drogën mëngjesin e sotëm, teksa bënin klasifikimin e mallit. Mobilizimi i policisë ka qenë i menjëhershëm. Policë të armatosur rëndë u vendosën brenda dhe jashtë ndërtesave ku u gjet droga.

Zëdhënësja e selisë së policisë në Brandenburg, Beate Kardels, konfirmoi se droga u gjet në arkat e bananeve, mes frutave.

Megjithatë, sasia e drogës që gjendet në supermarket, duket se i habit edhe ekspertët, siç komenton”Bild”.

“Për shkak të vëllimit të pakove ku u gjet kokaina, Ekipi i Përbashkët i Hetimit të Narkotikëve në Zyrën e Policisë Kriminale të Brandenburgut po koordinon hetimet e mëtejshme në bashkëpunim të ngushtë me autoritetet e Berlinit”, tha zëdhënësja e selisë së policisë në Brandenburg./ CNA





Lajmet e fundit nga