web counter
LEXO PA REKLAMA!

SHKARKO APP

App Store
Google Play

Dita e 14-të e zjarrit në Evros, Greqi/ Një tjetër natë makthi për banorët

1 Shtator 2023, 08:05, Kosova & Bota CNA

Dita e 14-të e zjarrit në Evros, Greqi/ Një tjetër natë

Një tjetër natë makthi nga zjarret në Evros, pasi flakët në pyllin e Dadias kanë marrë drejtime të ndryshme.

Kjo është dita e 14-të që kjo zonë është e pushtuar nga zjarri.

Flakët janë përhapur nga Giannouli në Sidiro, por edhe në anën e fshatit Protokklisi. Fronti më i fortë ndodhet në veri drejt Protoklisit dhe në lindje drejt Souflit. Rreth fshatrave si dhe Suflit po krijohen vazhdimisht zona të mbrojtjes nga zjarri nga banorë dhe vullnetarë, me makineri të komunës së Suflit dhe të Rajonit.

Komuna e Suflit përmes një mesazhi në "Facebook" u ka bërë thirrje qytetarëve që të shfrytëzojnë racionalisht ujin në mbështetje të përpjekjes për shuarjen e zjarrit.

Sipas Departamentit të Zjarrfikësve, 582 zjarrfikës me 129 automjete dhe 16 njësi këmbësore po operojnë -  kryesisht midis zonave të Soufli, Kornofolia, Dadia, Kotronia, Sidiro dhe Giannouli, ndërsa 10 avionë zjarrfikës dhe shtatë helikopterë operuan nga ajri në rrotacion gjatë ditës.

Ndërkohë në të gjithë territorin janë duke u shuar 68 vatra zjarri, ndërsa në njëzetekatër orët e fundit janë regjistruar 32 zjarre të reja në pyje, shumica e të cilave janë shuar menjëherë, në fazën fillestare, siç njoftojnë zjarrfikësit.

Mediat greke shkruajnë se një ndihmë në përballjen me zjarret jepet nga Mekanizmi Evropian i Mbrojtjes Civile me forca nga Franca, Spanja, Qiproja, Rumania, Republika Çeke, Bullgaria, Sllovakia, Shqipëria dhe Serbia./ CNA





Lajmet e fundit nga