web counter
LEXO PA REKLAMA!

SHKARKO APP

App Store
Google Play

E fundit!

x

E konfirmon vetë Stoltenberg/ Ja kur do të largohet nga detyra si Sekretar i Përgjithshëm i NATO-s

31 Gusht 2023, 21:30, Kosova & Bota CNA
E konfirmon vetë Stoltenberg/ Ja kur do të largohet nga detyra si
Shefi i NATO-s, Jens Stoltenberg

Shefi i NATO-s, Jens Stoltenberg, do të largohet nga detyra që mban aktualisht vitin e ardhshëm.

Këtë lajm e ka konfirmuar vetë Stoltenberg, i cili ka deklaruar për CNN se detyrën do ta dorëzojë në tetor të 2024-ës.

Ai do të jepte dorëheqjen këtë vit, por për shkak të luftës Rusi-Ukrainë, mandat i tij u zgjat me 12 muaj të tjerë.

Kështu, Stoltenberg, vitin e ardhshëm do të bëjë plot 10 vjet në krye të NATO-s.

Ish-kryeministri norvegjez ka deklaruar se kjo është hera e fundit që mandati i tij u zgjat.

“Është një privilegj të shërbesh si sekretar i përgjithshëm i NATO-s dhe është jashtëzakonisht kuptimplotë, veçanërisht tani, kur ka një luftë në Evropë”, theksoi ai.

Kujtojmë se Jens Stoltenberg është një politikan norvegjez, i cili ka shërbyer si sekretari i 13-të i përgjithshëm i NATO-s që nga viti 2014.

Ai shërbeu më parë si kryeministri i 34-t i Norvegjisë nga viti 2000 në 2001 dhe përsëri nga 2005 deri në 2013./ CNA





Lajmet e fundit nga