web counter
LEXO PA REKLAMA!

SHKARKO APP

App Store
Google Play

E fundit!

x

Berlusconi i bashkohet "Tik-Tok"-ut/ “Tallet” me Biden, Putinin dhe Papa Françeskun

3 Shtator 2022, 15:54, Kosova & Bota CNA
Berlusconi i bashkohet "Tik-Tok"-ut/ “Tallet” me Biden,
Foto ilustruese

Ish-kryeministri italian Silvio Berlusconi së fundmi ka hapur llogarinë e tij në "Tik-Tok" për të bërë një apel për votuesit e tij të rinj përpara zgjedhjeve të ardhshme. Videoja e tij e parë në "Tik-Tok" ishte një fjalim mirëseardhjeje që ka mbledhur miliona shikime.

Berlusconi në videon e tij të dytë bëri shaka me veten, presidentin e SHBA-së, Joe Biden, homologun e tij rus Vladimir Putin dhe Papa Françeskun, raportoi "RT".

Berlusconi vendos që t'u tregojë ndjekësve të tij në "Tik-Tok", një barcoletë ku protagonistë Berlusconi janë vetë ai, Biden, Putin, Papa Françesku dhe ndihmësi i tij i ri. Sipas barcoletës, të katërt po fluturonin në një aeroplan. Ndërsa avioni ishte gati të binte dhe të rrëzohej, fluturimi nuk kishte parashuta të mjaftueshme për të shpëtuar të gjithë pasagjerët dhe njerëzit në bord bënë përpjekje për të marrë parashutën bazuar në 'superioritetin' e tyre.

"Joe Biden kap fillimisht dhe thotë: "Ky është për mua, sepse unë jam njeriu më i fuqishëm në Perëndim". Vladimir Putin merr një tjetër dhe thotë: "Ky është për mua sepse unë jam njeriu më i fuqishëm në lindje". Berlusconi shkon përpara dhe thotë: "Ky është për mua, sepse të gjithë e dinë që unë jam politikani më i zgjuar në botë".

Papa Françesku u ofrua të qëndronte në aeroplan pasi ai ka jetuar një jetë të mirë dhe nuk kishte frikë të vdiste, tha ai me shaka. Megjithatë, ndihmësi i ri i Papës tha se ata të dy nuk duhet të kenë frikë pasi "politikani më i zgjuar në Evropë" kishte marrë gabimisht "çantën e shpinës".

Pas përfundimit të barcoletë, politikani italian Berlusconi u bëri thirrje votuesve që të “përpiqen të vendosin një parashutë në Itali” gjatë zgjedhjeve të parakohshme në shtator./ CNA.al





Lajmet e fundit nga