web counter
LEXO PA REKLAMA!

SHKARKO APP

App Store
Google Play

E fundit!

x

37 të arrestuar, Europol godet celulën kriminale në Ballkanin Perëndimor

25 Maj 2023, 16:32, Kosova & Bota CNA

37 të arrestuar, Europol godet celulën kriminale në Ballkanin

37 persona janë arrestuar në një aksion të Europol gjatë goditjes së një grupi kriminal në Ballkanin Perëndimor, të zhvilluar javët e fundit.

Europol sqaron se celula kriminale drejtohej nga një shtetas i Bosnjë-Hercegovinës, dhe merrej kryesisht me trafikun në shkallë të gjerë të drogës dhe armëve të zjarrit në të gjithë Evropën.

Kreu i bandës së rrezikshme është duke vuajtur një dënim prej 4 vitesh në Itali. Hetuesit arritën të zbulonin se si ky individ vazhdoi të orkestronte aktivitetet kriminale të bandës së tij nga qelia e burgut. Prej aty, ai besohet se ka dhënë rregullisht urdhra dhe udhëzime për vartësit e tij në lidhje me veprimtarinë kriminale të grupit.

Ambientet e kontrolluara gjatë ditës së aksionit përfshijnë një qeli burgu në Belgjikë, një garazh në Holandë që përdorej për të ruajtur kokainën dhe disa ambiente në Kroaci, Gjermani, Slloveni dhe Bosnjë dhe Hercegovinë ku mbaheshin drogë, armë zjarri dhe eksplozivë.

Ndërkohë Europol ka sekuetruar: 148 000 euro cash, 18 armë zjarri, duke përfshirë 2 mitralozë dhe 2 512 copë municione, 15 kilogramë kokainë, 11 kilogramë heroinë, 3 kilogramë amfetaminë, 7 kilogramë marihuanë dhe 10 kilogramë hashash.

 

 





Lajmet e fundit nga