LEXO PA REKLAMA!

SHKARKO APP

E fundit!

x

Varheleyi, në Kosovë/ Zbardhet agjenda e takimeve

25 Maj 2023, 09:50, Kosova & Bota CNA

Varheleyi, në Kosovë/ Zbardhet agjenda e takimeve

Sot, komisioneri i Bashkimit Evropian për Zgjerim dhe Fqinjësi, Oliver Varhelyi, do të zhvillojë një vizitë zyrtare në Kosovë.

Varhelyi do të takojë fillimisht presidenten Vjosa Osmani në orën 09:00 dhe me pas do të japë një deklaratë për mediat. 

Në vijimësi do të takojë kryeministrin Albin Kurti në orën 10:05, ndërsa një orë më vonë do të pritet nga kryeparlamentari Glauk Konjufca.

Varhelyi do të takohet edhe me opozitën dhe përfaqësuesit e shoqërisë civile.

Këto takime do të jenë një mundësi për të rishikuar marrëdhëniet BE-Kosovë dhe për të diskutuar zhvillimet e fundit si dhe reformat kyçe, duke përfshirë fushën e reformës në drejtësi, tranzicionit të energjisë dhe luftës kundër krimit të organizuar dhe korrupsionit”, thuhet në njoftimin e Komisionit Europian.

Gjatë kësaj vizite, Varhelyi do të marrë pjesë në lancimin e Programit për Çështje të Brendshme BE-Kosovë, për forcimin e ligjit dhe luftës kundër korrupsionit dhe krimit të organizuar.

“Ky program i financuar nga BE-ja prej 6.5 milionë euro do të zbatohet në një periudhë trevjeçare me mbështetjen e Francës, Italisë dhe Belgjikës dhe do të kontribuojë në forcimin e kapaciteteve të institucioneve të Kosovës në luftimin e krimit të organizuar dhe forcimin e bashkëpunimit ndërkombëtar”, thuhet në njoftim./ CNA.al

Lajmet e fundit nga