LEXO PA REKLAMA!

SHKARKO APP

KE, kërkesë Gjermanisë/ Investo më shumë në energjinë e ripërtërishme

24 Maj 2023, 20:19, Kosova & Bota CNA
KE, kërkesë Gjermanisë/ Investo më shumë në
Një termocentral në Gjermani që prodhon energji përmes djegies së qymyrit

Direktivat më të fundit të Komisionit Europian kundrejt Gjermanisë theksojnë se vendi gjerman duhet të fokusohet te energjia e ripërtëritshme dhe të heqë dorë nga lëndët djegëse fosile.

Kjo kërkesë vjen në sajë të disa rekomandimeve të politikave ekonomike, që janë pjesë e një analize më të gjerë, që i është prezantuar shteteve anëtare të BE-së.

Komisioni Evropian bëri thirrje që qeveritë e BE-së të ulin mbështetjen për bizneset, sa i përket kostove të larta të energjisë elektrike dhe të përdorin kursimet për të paguar borxhin e akumuluar që nga pandemia e koronavirusit.

“Përderisa çmimet e energjisë kanë rënë së fundmi, ne ende përballemi me shumë sfida”, u shpreh zëvendëspresidenti i KE-së, Valdis Dombrovskis, duke theksuar nivelin e lartë të inflacionit në shtetet e bllokut evropian.

Ky organ i BE-së sugjeron Gjermaninë që të zbatojë politika të shqyrtuara mirë për shpenzimet dhe taksat. KE po ashtu shprehet se rregullat për borxhin në BE, që u pezulluan gjatë pandemisë, do të hyjnë sërish në fuqi më 2024.

“Gjermania duhet të marrë parasysh këtë fakt kur të bëjë shpenzimet e buxhetit kombëtar më 2023 dhe kur të hartojë planet për shpenzimet më 2024”, thuhet rekomandimet e Komisionit Evropian./ CNA.al

Lajmet e fundit nga