LEXO PA REKLAMA!

SHKARKO APP

Oliver Varhelyi viziton Kosovën/ Detaje nga takimi me Presidenten Vjosa Osmani

25 Maj 2023, 15:53, Kosova & Bota CNA

Oliver Varhelyi viziton Kosovën/ Detaje nga takimi me Presidenten Vjosa

Komisioneri i Bashkimit Evropian për Zgjerim dhe Fqinjësi, Oliver Varhelyi, në vizitën e tij në Kosovë këtë të enjte shprehu vlerësimin për gatishmërinë e treguar nga Kosova për sa i përket raportit me Bashkimin Europian duke përvetësuar qëndrimin e BE-së në lidhje me agresionin rus ndaj Ukrainës.

“Ju keni treguar zotimin tuaj jo vetëm me fjalë, por edhe duke na bashkuar me qëndrime të qarta sa i përket qëndrimit tonë rreth agresionit të Rusisë ndaj Ukrainës”, u shpreh Varhelyi.

Ai theksoi se Kosovës i duhet të përshpejtojë zbatimin e reformave në drejtësi dhe të përmirësojë zbatimin e kornizave ligjore.

Gjatë deklaratës së përbashkët për media me presidenten Vjosa Osmani, komisionari evropian kërkoi që të shftytëzohet momenti dhe të respektohen të gjitha marrëveshjet e arritura me Serbinë.

“Mendojmë që është bërë progres në vitin e kaluar. Tash është e domosdoshme që të dyja palët t’i ofrojnë dhe t’i zbatojnë të gjitha obligimet pa vonesa, sepse duhet ta shfrytëzojmë momentin. Të ecim para me zbatimin e marrëveshjes sa më parë dhe të zbatohen pa kushte”, u shpreh Varhelyi./CNA.al

 

Lajmet e fundit nga