LEXO PA REKLAMA!

SHKARKO APP

Gjermania "me sytë" nga Brazili për infermierë, pritet marrëveshje

25 Maj 2023, 16:07, Kosova & Bota CNA

Gjermania "me sytë" nga Brazili për infermierë, pritet

Etja e shtetit gjerman për forca mjekësore duket se po bëhet edhe më e fortë.

Qeveria gjermane po punon të thithë sa më shumë infermierë nga vende me nivel të lartë të fuqisë punëtore, konkretisht Brazilin.

Për të krijuar një rrugë sa më të lehtë për sa u përket hapave të marrjes së vizave dhe jo vetëm, ministri Federal i Punësimit i Gjermanisë, Hubertus Heil, si dhe ministrja Federale e Jashtme, Annalena Baerbock, do të udhëtojnë në Brazil muajin e ardhshëm për të arritur një marrëveshje me autoritetet e kësaj të fundit.

“Qeveria gjermane dëshiron të tërheqë më shumë infermierë nga vendet me potencial të fuqishëm të fuqisë punëtore. Për këtë qëllim, ministri Federal i Punësimit, Hubertus Heil, dhe ministrja Federale e Jashtme Annalena Baerbock do të udhëtojnë në Brazil në qershor për të përfunduar marrëveshjen e nevojshme”, thuhet në deklaratën e faqes zyrtare të informacionit të Gjermanisë.

Pas finalizimit të marrëveshjes, pritet që një numër më i madh infermierësh nga Brazili të mund të zbarkojnë në Gjermani.

Gjermania ka arritur tashmë një marrëveshje për rekrutimin e infermierëve me Meksikën dhe Indonezinë.

Përpjekjet e shtetit gjerman për rekrutimin e fuqisë punëtore të kualifikuar vecanërisht në fushën e mjekësisë janë të shtrira në një periudhë afatgjatë.

 

 

Lajmet e fundit nga