PAA ngre alarmin/ Prodhuesit e mollës në zonën e Korҫës, drejt falimentimit

2022-10-22 21:51:00, Denoncim CNA

PAA ngre alarmin/ Prodhuesit e mollës në zonën e Kor?ës,

Fotomontazh - Elton Bardhi, kryetari i Partisë Agrare Ambientaliste në Korçë, thasë me mollë

Elton Bardhi, kryetari i Partisë Agrare Ambientaliste në Korçë, ka ngritur sot alarmin për prodhuesit e e mollës në zonën e Kor?ës.

Në një deklaratë për mediat, Bardhi tha se prodhuesit e mollës janë duke shkuar drejt falimentimit. Ai u shpreh se prodhuesit po braktisin kultivimin e kësaj kulture tradicionale, sepse gjetja e tregut të shitjes është e vështirë.

Sipas tij, Qeveria dhe pushteti local po i përdor fermerët vetëm për fasada dhe qëllime elektorale, duke bërë panaire dhe festa, të cilat nuk ndikojnë aspak pozitivisht në ekonominë e tyre.

Deklarata e plotë:

Prodhuesit e mollës në zonën e Kor?ës, drejt falimentimit

Të prodhosh është njëra anë e medaljes, tjetra është të shesësh produktin tënd, nësë nuk realizohet e dyta e para shumëzohet me zero. Për të shkuar deri tek shitja janë disa hallka dhe këputja, qoftë edhe e njërës prej tyre e bën të pavlerë të gjithë zinxhirin.

Prodhuesit e mollës të rrethit Korçë (dhe jo vetëm), po shkojnë drejt braktisjes së kultivimit të kësaj kulture tradicionale, sepse gjetja e tregut të shitjes mbetet e vështirë. Sipas tyre, shitjet kanë qenë të pakta, kurse çmimi i shitjes vazhdon të jetë shumë i ulët krahasuar me çmimin e mollës që vjen nga jashtë, pasi çmimi i shitjes së mollës për fermerët e Devollit dhe të Korçës është i përgjysmuar. Madje ata nuk arrijnë ta kuptojnë pse ndodh kështu, sepse për prodhimin e këtij produkti bimor tregohet i njëjti kujdes me atë të kolegëve të vendeve fqinje dhe të njëjtat preparate që përdoren prej tyre, ashtu sikurse edhe teknologjia e kultivimit, e ujitjes, e spërkatjes dhe e pro?eseve të tjera agroteknike. Megjithatë, ndërkohë që ky produkt më origjinë importin tregtohet normalisht, molla e prodhuesve të Devollit dhe Korçës mbetet stok ose kalbet.

Në Kor?ë janë mbi 4 mijë hektarë të mbjellë me mollë, ku shumica janë në prodhim të plotë, llogaritet që prodhimi në vitet e ardhshme të rritet akoma më shumë. Rreth 100 mijë ton mollë janë në pritje për t’u shitur, ku vetëm 20-30% e tyre kanë mundësi të ruhen në frigoriferë, pasi kaq është kapaciteti i mundshëm për ruajtjen e tyre, pjesa tjetër ruhen nëpër hangare ose kavaleta para oborreve të shtëpive si qëmoti.

Loja në kurriz të prodhuesve

Jo vetëm tregtarët e grumbullimit të mollëve, por edhe biznesi i frigoriferëve e ushtron aktivitetin e vet në kurriz të prodhuesve. Oferta që ofrojnë ata për prodhuesit e mollës është: Na i jepni mollët pa çmim dhe më vonë bëjmë likuidimet, kur të marrim vesh se ku do të qëndrojnë çmimet e shitjes dhe të blerjes” ! Sipas prodhuesve, shumë prej tyre e pranojnë edhe këtë ofertë, sepse vlera e këtij produkti po bie ?do ditë e po kalbet, ndërsa mundësi ruajtjeje për një kohë të gjatë nuk kanë. Veç kësaj, prodhimi duhet shitur në kohë me qëllim sigurimin e shpenzimeve të kultivimit, të ardhurave për familjen, sepse është punuar një vit të tërë për marrjen e këtij prodhimit, pasi në të kundërt i gjithë malli do të kalbet. Për të gjitha arsyet e mësipërme, prodhuesit e mollës kanë filluar të ndihen të zhgënjyer sepse jo vetëm që nuk po sigurojnë të ardhurat e pritshme, por po dalin dhe me humbje. Megjithatë, sipas specialistëve të bujqësisë, deri më tani janë regjistruar si eksport rreth 200 ton mollë për përpunim (për prodhim produktesh kozmetike) me destinacion Bullgarinë dhe Greqinë, dhe 40 ton mollë të cilësisë së parë ose ekstra për konsum drejt shtetit Grek; por këto sasi mbeten të vogla po të kihet parasysh fakti që Korça prodhon çdo vit nga 80 mijë deri në 100 mijë ton mollë.

Të ndodhur në këto kushte të mjerueshme, fermerët kanë filluar të punojnë me motorseka në të gjitha zonat, ku më shumë e ku me pak, duke prerë pemtore të tëra e duke bërë dru për zjarr, ndërkohë që këto pemë janë në prodhim të plotë dhe është KRIM të veprohet kështu. Askush nuk mban përgjegjësi për këtë situatë, por bëjnë konferenca e takime “fallco”, se si do bëjmë që të rrisim eksportet e të dalim në tregje konkuruese me vendet e tjera.

Ku po shkojmë dhe pse ky ngërç?

Në rajonin e Kor?ës numërohen rreth 50 dhoma frigoriferike, të cilat ruajnë mollën për një periudhë nga 3-6 muaj, por e ve?anta është se një pjesë e frigoriferëve të mëdhenj përcaktojnë çmimin e blerjes së mollës.

Të favorizuar nga neglizhenca totale e Ministrisë së Bujqësisë por edhe e pushtetit lokal, ata kanë arritur që ta monopolizojnë tregun, duke e blerë produktin me çmim nën kosto.

Si konkluzion del që prodhuesit e mollës në qarkun e Korçës po falimentojnë sepse ata janë lënë "jetimë". Qeveria dhe pushteti lokal i përdor vetëm për fasada dhe qëllime elektorale, duke bërë panaire dhe festa të cilat nuk ndikojnë aspak pozitivisht në ekonominë e tyre./ B.A. – CNA.al