web counter
LEXO PA REKLAMA!

SHKARKO APP

App Store
Google Play

E fundit!

x

"Një e treta e botës në recesion"/ FMN paralajmëron: Ekonomitë e mëdha do të tkurren në 2023-shin

2 Janar 2023, 12:54, Ekonomi CNA
"Një e treta e botës në recesion"/ FMN
FMN

Fondi Monetar Kombëtar ka paralajmëruar se gjatë këtij vitit, ekonomia do të jetë në recesion.

Kristalina Georgieva ka deklaruar se 2023-shi do të jetë më i vështirë se viti i kaluar, pasi Shtetet e Bashkuara, Bashkimi Evropian dhe Kina po shohin ekonomitë e tyre të ngadalësojnë.

Paralajmërimi vjen teksa lufta në Ukrainë, rritja e çmimeve, rritja e normave të interesit dhe përhapja e COVID-it në Kinë po rëndojnë gjithnjë e më shumë mbi ekonominë globale.

“Ne presim që një e treta e ekonomisë botërore të jetë në recesion”, ka deklaruar Georgieva në një intervistë për “CBS News”.

Vetëm në tetor FMN kishte shkurtuar parashikimin për rritjen ekonomike për 2023-shin.

“Edhe në vendet që nuk janë në recesion, prapambetja do të ndihet nga miliona njerëz”, ka shtuar Georgieva.

Shefja e Fondit ka shtuar se Kina në veçanti, ekonomia e dytë më e madhe në botë, do të përballet me një fillim të vështirë në 2023-shin.

“Muajt e ardhshëm do të jenë të vështirë për Kinën dhe impakti ndaj rritjes ekonomike kineze do të jetë negativ për vendin, rajonin dhe për gjithë globin”, ka vijuar Georgieva.

FMN është një organizatë ndërkombëtare me 190 vende anëtare, të cilat punojnë së bashku për të stabilizuar ekonominë globale. Një nga detyrat kryesore të tij është veprimi si një sistem parandalues./CNA.al Burimi: Euronews

 





Lajmet e fundit nga