LEXO PA REKLAMA!

SHKARKO APP

Rritja e çmimeve/ Ekspertja e ekonomisë: Si u detyruan shqiptarët të ulnin konsumin

28 Dhjetor 2022, 17:54, Ekonomi CNA
Rritja e çmimeve/ Ekspertja e ekonomisë: Si u detyruan
Ekspertja e ekonomisë, Romina Radonshiqi

Ekspertja e ekonomisë, Romina Radonshiqi ka treguar në një prononcim për CNA.al se si ka ndikuar rritja e çmimeve në xhepat e qytetarëve.

Radonshiqi tha se rritja e çmimeve i detyroi shqiptarët të ulnin fuqinë blerëse sepse mbi 50% e të ardhurave të tyre i shpenzonin për mallra konsumi.

Kjo sipas saj, ka bërë që të rritet niveli i varfërisë, ndërsa paketat e Qeverisë i cilësoi si të pamjaftueshme.

“Rritja e çmimeve ka qenë një goditje e madhe e financave të familjeve shqiptare. Shqiptarët u detyruan të ulnin fuqinë blerëse sepse mbi 50 % e të ardhurave të tyre i shpenzonin për mallra konsumi. Shtresat vulnerabël u përballën me varfëri absolute dhe shtresat e mesme janë në prag të varferisë relative. Inflacioni ishte një goditje e madhe dhe për bizneset, pasi ato u përballën me rritje të  kostove të lëndës së parë, mungesës së fuqisë punëtore si shkak i emigracionit, rritjes se çmimit të energjisë elektrike, rritjes së çmimit të karburantit, duke ndikuar në rritje të çmimeve të mallrave dhe shërbimeve.

Paketat sociale dhe indeksimet e pagave dhe pensioneve të ndërmarrë nga qeveria mund të konsiderohen si modeste dhe të pamjaftueshme për të përballuar krizën që preku ekonominë e vendit në tërësi dhe familjet shqiptare në veçanti. Rritja e çmimeve të produkteve të shportës shkon përtej përqindjes që ka marrë në konsideratë qeveria për të hartuar paketat sociale. Mungesa e përcaktimit të minimumit jetik i ka bërë politikat sociale ineficente duke ndikuar në rritjen e nivelit të varfërisë në vend”, theksoi ekspertja./ B.A. - CNA.al

Lajmet e fundit nga