web counter
LEXO PA REKLAMA!

SHKARKO APP

App Store
Google Play

Rritja e çmimeve/ Ministrja Ibrahimaj flet si Rama

22 Dhjetor 2022, 10:33, Ekonomi CNA

Rritja e çmimeve/ Ministrja Ibrahimaj flet si Rama

Ministrja e Financave Delina Ibrahimaj, nga foltorja e Kuvendit ka përsëritur deklaratat e kryeministrit, në lidhje me rritjen e çmimeve.

Sipas saj, kriza ekonomike dhe rritja e çmimeve ka ndodhur për shkak të luftës në Ukrainë.

Ibrahimaj ka thënë se impakti që ka pasur kjo luftë në ekonominë tonë është ndier, e kemi ndier të gjithë në shportën e familjes.

“Viti 2022 rezultoi një vit i cili nuk ishte një vit normal. Zbatimi i buxhetit u kushtëzua nga pasojat e luftës së Rusisë ndaj Ukrainës, e cila nuk u ndie vetëm në vendin tonë, por janë pasoja që po rezultojnë në tregues të një lufte të përbotshme, të një lufte të tretë botërore.

Impakti që ka pasur kjo luftë në ekonominë tonë është ndier, e kemi ndier të gjithë në shportën e familjes sonë, në pazaret tona të përditshme, pasi janë ndikuar çmimet e konsumit, janë ndikuar çmimet e karburanteve, janë ndikuar çmimet e energjisë elektrike, janë ndikuar çmimet e karburanteve, janë ndikuar çmimet e ndërtimit dhe të gjithë këto elementë, kanë kushtëzuar ecurinë e buxhetit të vitit 2022”, është shprehur ajo.

Një deklaratë të tillë e ka bërë disa herë kryeministri Edi Rama, në daljet publike, ku ka folur për rritjen e çmimeve, në përgjithësi por edhe në veçanti./CNA.al





Lajmet e fundit nga