web counter
LEXO PA REKLAMA!

SHKARKO APP

App Store
Google Play

Si do të jetë situata ekonomike për vitin 2023?/ Ekspertja bën parashikimin

28 Dhjetor 2022, 18:12, Ekonomi CNA
Si do të jetë situata ekonomike për vitin 2023?/ Ekspertja
Ekspertja e ekonomisë, Romina Radonshiqi

Ekspertja e ekonomisë, Romina Radonshiqi, ka parashikuar në një prononcim për CNA.al, situatën ekonomike për vitin 2023.

Radonshiqi tha se viti i ardhshëm do të pasojë problematikat e 2022-shit si në familjet shqiptare, edhe te blegtorët dhe bizneset.

Ndryshe nga sa pretendon Banka e Shqipërisë, ekspertja paralajmëron se 3-mujori i parë i vitit 2023 do jetë i ngjashëm me 3-mujorin e fundvitit 2022, më pas situata ekonomike në vend do të nisë të përmirësohet.

“Viti 2023 do të marrë me vete problematikat e vitit 2022. Pasi familjet shqiptare janë varfëruar, bizneset do të përballen sërisht me kosto të larta të lëndës së parë. Fermerët shqiptarë do të jenë sërisht në vështirësi, pasi subvencionet drejtuar sektorit të buqësisë janë të pamjaftueshme, duke i bërë produktet buqësore dhe blektorale më pak konkurruese në treg krahasuar me produktet e importit që hyjnë në tregjet shqiptare. Forcimi i monedhës vendase kundrejt Euros (nënçmimi) është një tjetër problematikë për eksportuesit shqiptar, pasi i ka bërë këto eksporte më të shtrenjta dhe më pak konkurruese në tregjet ndërkombëtare.

Mungesa e fuqisë punëtore për shkak të emigrimit do jetë një problem i shtuar jo vetem për bizneset shqiptare, por edhe për skemën e pensionit. Gjithashtu, rritja e normës bazë të interesit si instument për të mbajtur në kontroll rritjen e çmimeve do të japë një efekt negativ në investime, pasi ka rritur koston e huasë si për bizneset dhe për familjet.  Viti 2023 referuar Guvernatorit të Bankës së Shqipërisë do të ketë rritje ekonomike dhe ulje të inflacionit, por unë referuar situatës ekonomike gjykoj që 3-mujori i parë i vitit 2023 do jetë i ngjashëm me 3-mujorin e fundvitit 2022, më pas situata ekonomike në vend do të nisë të përmirësohet”, theksoi Romina Radonshiqi./ B.A. - CNA.al





Lajmet e fundit nga