E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Fatkeqësitë natyrore/ 54 milionë dollarë në dispozicion, hapen aplikimet për bashkitë

28 Nëntor 2023, 12:35, Ekonomi CNA

Fatkeqësitë natyrore/ 54 milionë dollarë në

Foto ilustruese

Nga tani deri në fund të janarit 2024 njësitë e vetëqeverisjes vendore, bashkitë, të cilat kanë nevojë për fonde me qëllim parandalimin dhe menaxhimin e fatkeqësive natyrore, mund të plotësojnë aplikimet.

"SCAN TV" raporton se në kushtet kur ka nisur edhe sezoni dimëror, i cili shoqërohet me përmbytje të shumta, bashkitë vlerësojnë edhe rrisqet që u kanosen dhe marrin masat e nevojshme. Ky fond është një mekanizëm financiar që mbështet politikën kombëtare të parandalimit dhe menaxhimit rajonal e vendor të fatkeqësive natyrore e të tjera.

Për vitin 2024, Fondi për Parandalimin dhe Menaxhimin e Fatkeqësive Natyrore është pjesë e fondit të akorduar në buxhetin e vitit 2024 në programin “Emergjencat Civile”, në Ministrinë e Mbrojtjes dhe arrin në shifrën e afro 5.4 miliardë lekëve apo 54 milionë dollarëve.

Vlerësimi i projekteve sipas njësive të vetëqeverisjes vendore aplikuese bëhet me vendim të Komisionit për Parandalimin dhe Menaxhimin e Fatkeqësive Natyrore, i cili kryesohet nga Agjencia Kombëtare e Mbrojtjes Civile.

Komisioni për Parandalimin dhe Menaxhimin e Fatkeqësive Natyrore miraton specifikimet, rregullat dhe kriteret për financimin e projekteve në infrastrukturë dhe për blerje pajisjesh për parandalimin dhe menaxhimin e fatkeqësive natyrore si dhe vlerësimin e projekteve.

Fondi i Parandalimit dhe Menaxhimit të Fatkeqësive Natyrore me përparësi duhet të financojë projektet e investimeve në proces. Pjesa e financimit të projekteve në proces vendoset në listën e investimeve të Ministrisë së Mbrojtjes, në përputhje me ecurinë e projektit. Ministria e Mbrojtjes mund të kërkojë rialokime midis projekteve të Fondit të Parandalimit dhe Menaxhimit të Fatkeqësive Natyrore, sipas procedurave të miratuara për investimet publike.

Projektet e përzgjedhura nga Komisioni për Parandalimin dhe Menaxhimin e Fatkeqësive Natyrore, nëpërmjet Ministrisë së Mbrojtjes, dërgohen për miratim pranë Këshillit të Ministrave brenda datës 15 shkurt të vitit korrent. Këshilli i Ministrave miraton projektet fituese, si dhe autoritetin kontraktor për zbatimin e projekteve sipas njësive të vetëqeverisjes vendore brenda datës 28 shkurt të vitit korrent. Fondi i Parandalimit dhe Menaxhimit të Fatkeqësive Natyrore nuk trashëgohet në vitin e ardhshëm buxhetor./CNA