web counter
LEXO PA REKLAMA!

SHKARKO APP

App Store
Google Play

E fundit!

x

Kush i nxjerr dokumentet e inceneratorëve?

23 Tetor 2023, 11:11, Editorial CNA

Kush i nxjerr dokumentet e inceneratorëve?

Ka disa vite, që shpesh, kohë pas kohe, dalin dokumente në lidhje me aferën e inceneratorëve.

Dokumente zyrtare që janë ato që janë VKM, dokumente publike, ku ka akses publiku, siç janë publikimet në Fletoren Zyrtare e tjerë. Një grup i madh dokumentesh që u publikuan dhe u administruan edhe gjatë komisionit hetimor parlamentar, dokumente të tjera u publikuan më parë në lidhje me kompaninë, që janë dokumentet, të cilat gjenden "online". Dhe tashmë disa dokumente që janë "email"-e, komunikime zyrtare.

Nga dalin dokumentet?

Në lidhje me dokumentet zyrtare nuk ka shumë nevojë për të kuptuar nga dalin. Ato dihen, janë në Fletoren Zyrtare, VKM-të janë publike, shumë të tilla ka mbledhur "BIRN", Komisioni Hetimor Parlamentar administron dokumente zyrtare, e të tjera si këto.

Pra, ka dhe zyrtarë, ka dhe njerëz që opozita i ka ende brenda strukturave të shtetit, të cilët mund të ndihmojnë, të japin dokumente dhe kjo nuk ka më asnjë dyshim.

Nga u gjetën dhe si dolën dokumentet e strukturës së kompanisë në Holandë?

Mjafton thjesht dhe vetëm një kërkim te ky website "https://info-clipper.com/" (i cili ka qenë një thesar për ne), pra nuk kemi pse ta mbajmë më sekret, ku gjenden të gjitha të dhënat me një pagesë të thjeshtë, gjen e strukturave dhe të dhëna të kompanive që ndodhen jashtë. Web-site të tilla ka me qindra.

Mjafton që atje merr numrin tregtar, pas numrit tregtar një kërkim në website-t e dhomave të tregtisë apo qendrave të regjistrimit të bizneseve dhe në Holandë me një njeri që di pak holandisht me pak ndihmë, zbërthen gjithçka, komplet në lidhje me strukturën e kompanisë, deri te kontrata, gjendet aty brenda. Në rast se dikush e ka të vështirë mjafton të ndjekë këta hapa që kemi thënë.

Së fundmi po dalin publikime "email"-esh, por "email"-et janë komunikime, njerëzit e Klodian Zotos me njerëzit e Mirel Mërtirit, pra nuk ka persona të tretë apo të katërt të përfshirë. Nuk ka as media që mund të kenë akses në ato "email"-e, sepse nuk janë pjesë e komunikimit të tyre. Nuk ka zyrtarë të shtetit në ato "email"-e.

Lind pyetja, kush i nxori "email"-et?

Shqi banda e kriminale e inceneratorë ka dy palë që po i "çajnë barkun" njëri-tjetrit.

Kush i nxjerr dokumentet e inceneratorëve?
Klodian Zoto dhe Mirel Mërtiri

Mireli kërkon t’ia faturojë Klodian Zotos dhe Arben Ahmetajt. Klodian Zoto nuk e mban dot në kurriz gjithë peshën, por i fut thikën Mirelit. Nga ana tjetër pretendohet se në skenë qëndron edhe Arben Ahmetaj. Kjo është e gjitha.

Kur i çajnë barkun njëri-tjetrin dalin të vërtetat, merren dokumentet dhe publikohen.

Dokumentat i nxjer Mireli pë Klodin e Klodi për Mirelin, gjithmonë për komnunikimet private mes tyre dhe vartësave të tyre. Përfshirë këtu edhe individë brenda kompanive të Mirelit dhe Zotos, që nga Denisa & Co, Bualli baxhanaku i Mërtirit Mark Jaka etj., të cilët bashkëpunojnë me gazetarë, mund të bashkëpunojnë me media, për nxjerrjen e dokumenteve sipas interesave, dhe ky është fakt.

Dokumentat zyrtare një pjesë i ka nxjerë vete PS ato që i duhen, pjesën tjetër opozita.

Të mendosh në 2023 se do mbash sekrete dokumenta e komunikime online apo zyrtar epër qindra milionë euro dhe të ngresh një skemë mashtrimi është thjesht çmenduri. 

 

Tezat se dokumentet i nxori "Tigri" apo i nxori "Lopa" nuk kanë asnjë vlerë, apo prokuerorët e SPAK deri tek Arben Kraja që Mërtiri dhe të tijët e akuzuan për publikimet e kontratave të medias, kur ato i ka Mërtiri në dosje apo Zoto, askush tjetër.

Së fundi dalin komunikime private të Zotos me Mërtirin, po dalin komunikime të Mërtirit me aksionerë të huaj kur Zoto ka qenë duke marrë arratinë.

Po dalin komunikime kur njerëzit janë në arrati.

Prandaj nuk është e vështirë për t'u kuptuar nga vijnë dokumentet, kush i nxjerr dokumentet dhe për çfarë arsye i nxjerrin dokumentet.

Banda kriminale e inceneratorëve po ha veten. T'ju bëjë mirë!

Media ka për detyrë t’i publikojë, t’ua vërë përballë shqiptarëve, apo opozita ka për detyrë t’i mbledhë ti çojë në institucionet e duhura.

1655 dokumente për SPAK

Grupi i ekspertëve të PD-së që ka çuar 653 dokumente do të çojë dhe 1002 të tjera, sipas konfirmimit për CNA.

Dokumentat tregojnë të vërtetën, e vërteta që do të dalë në fund dhe nuk e fsheh dot askush. Një e vërtetë që duhet çuar deri në fund.

Nuk mund t’i vihet kapaku një afere korruptive 170 milionë euro me fjalët që thotë ndonjë televizion i ortakërisë së inceneratorëve dhe ca ushtarë të tyre. Kjo nuk ka për të ndodhur kurrë.

Kush i nxjerr dokumentet e inceneratorëve?
Mirel Mërtiri dhe 3 inceneratorët

Sa më shumë të zihen, sa më shumë të sherrosen, sa më shumë të paguajnë para për propagandë, për shpifje dhe për të gënjyer opinionin publik, aq më shumë të vërteta do të dalin më shpjet do zbërthehet e gjithë skema.

SPAK-u që po heton, po merr pa fund dokumentacion nga "të mençurit" e skemës së inceneratorëve që në fund kanë përfunduar duke ‘pushkatuar’ njëri-tjetrin./ CNA

 





09:35 Editorial Diana Ziu

Një letër pa moral!

Një çorbë televizive! Një lakuriqësi, banalitet, me shumi...

Lajmet e fundit nga