LEXO PA REKLAMA!

SHKARKO APP

E fundit!

x

VIDEO- Denoncimi dhe akuza ndaj qeverisë/ “8 minuta shi përmbytin Durrësin”

19 Janar 2023, 09:43, Aktualitet CNA

VIDEO- Denoncimi dhe akuza ndaj qeverisë/ “8 minuta shi

Përkeqësimi i kushteve atmosferike ka sjellë përmbytje në shumë qytete, si Lezha, Shkodra, Vlora dhe Durrësi, ku disa zona kanë mbetur dhe pa energji elektrike.

Sekretarja Organizative e Partisë së Lirisë dhe Koordinatorja Politike e Qarkut Durrës, Elona Guri, ka publikuar disa video nga Durrësi ku tregon rrugët e përmbytura nga reshjet intensive të shiut.

Ajo ka akuzuar qeverinë, duke shkruar se mjaftojnë disa pika shiu që të përmbytet Durrësi i betonizuar nga korrupsioni i Rilindjes.

“Durrësi sot i përmbytur me vetëm 8 minuta shi! Skandal. Mjaftojnë vetëm pak pika uji dhe përmbytjet janë bërë tashmë të pashmangshme në Durrësin e betonizuar nga korrupsioni i Rilindjes. Kryeministri Rama është dhe deputet në Durrës. Por, Rama është gati ta kthejë Durrësin edhe në kënetë vetëm për planet e tij financiare. Qytetarët e Durrësit detyrohen nga Rilindja të bashkëjetojnë me ndërtimet klienteliste, betonizimin korruptiv dhe një administratë në Bashkinë Durrës që vetëm durrsakëve nuk i shërben.  14 Maji dita e ndryshimit të pashmangshëm për Durrësin!", shkruan Guri në rrjetet sociale./CNA.al

Lajmet e fundit nga