Rudi Sata shpërthen ndaj deputetëve/ "Dy fjalë pë Flutura Açkën dhe Agron Gjekmarkajn"

18 Janar 2023, 21:58, Aktualitet CNA

Rudi Sata shpërthen ndaj deputetëve/ "Dy fjalë pë

Tenori Rudi Sata ka shpërthyer me tone të ashpra ndaj dy deputetëve të Partisë Demokratike, Flutura Açkës dhe Agron Gjekmarkajt.

Sata rrëfen nëpërmjet postimit të tij se ka bërë një kërkesë me anë të një letre që e ka dërguar te Ministria e Kulturës ku kërkonte informacion për për artin dhe kulturën dhe aktet ligjore mbi të cilat funksionojnë institucionet e artit.

Këtë kërkesë ai është shprehur se ka dashur ta bëjë pjesë edhe të kalendarit të komisionit mbi "Edukimin dhe Informimit publik", por kërkesa e tij nuk u vlerësua nga kryetarja e komisionit dhe njëherësh deputetja e PD-së, Flutura Açka.

Kjo ka bërë që tenori të shpërthejë ndaj Açkës dhe Gjekmarakajt, ku sipas tij ky i fundit bën avokatin e saj.

“Dy fjalë për deputetën Flutura Açka dhe Z/Agron Gjekmarkaj.

Paçka se Znj/Açka apo Z/Gjekmarkaj mund të pyesin veten dhe të thonë:

Kush është ky Rudi Sata...

(Normale kjo për Ju për nga mënyra se si erdhët në PD).

Po pak rëndësi ka për mua kjo nëse me njihni Ju apo nuk më njihni.

Tani unë shtroj pyetjen!

Me cilën pati përplasje deputetja Flutura Açka në komisionin e "Edukim dhe mjetet e informimit publik?

Cila ishte arsyeja qe pati debat???

Pse Z/Agron Gjekmarkaj bëri rolin e avokatit ndaj Znj/Açka???

Pa u zgjatur shumë!

Me dt 5/01/2023 une dorëzova ne Ministrinë e Kultures një letër ku mbështetur ne nenin 78 dhe 83 pika 1 të Kushtetutës dhe Ligjit 119 të 2014 për të drejtën e informimit publik neni 3 pika 2, kërkoja informacion mbi Ligjin 10352 për artin dhe kulturën si dhe aktet ligjore mbi të cilat funksionojnë institucionet e artit si pjesë e pushtetit qendror.

Në këtë letër unë shprehesha se këtë kërkesë do e kërkoj dhe do i drejtohesha edhe Komisionit Parlamentar të "Edukimit dhe informimit publik" për ta futur në kalendarin e këtij komisioni për ta shqyrtuar.

Ku gjej rastin të falenderojë deputeten Ina Zhupa e cila sapo u informua u tregua e gatshme për ta futur në axhendën e këtij komisioni parlamentar.

Por për çudi kjo kërkese nuk vleresohet dhe nuk futet në axhendë.

Tani unë pyes publikisht zonjën e nderuar, deputeten e Partise Demokratike e cila është edhe kryetare e këtij komisioni.

1)A keni lexuar ju Znj/kryetare ligjin 10352?

Nqs e keni lexuar, a duhet të deklaroni qëndrimin tuaj ligjor në lidhje me këtë ligj që:

2)A mbartë ky ligj konflikt interesi?

3)A mbron ky ligj një skemë mafioze korruptive?

4)A duhet abroguar ky ligj?

5)A i plotëson ky ligj kriteret dhe staandardet e BE-së?

Perpara se te kundërshtoni deputeten Ina Zhupa e cila po mbron me dinjitet dhe profesionalizëm interesat e artistëve , do t’iu lutesha te informoheshit dhe pastaj të reflektoni duke e ftuar Ministren e Kulturës per interpelancë.

Gjithashtu kjo vlen edhe për Agron Gjekmarkaj i cili para se të bejë avokatin e Flutura Açkes e ftoj të bëjë detyrën e tij si deputet.

Politikisht si kontribut timin se çfarë kam bërë këto 10 vite opozitarizëm unë i them Açkës dhe Gjekmarkajt se :

Mua demokratet për atë ç’ka kam bërë (modestisht) me kanë quajtur “tenori i lirisë”.

Ndërkohë kur ju nuk ishit askundi.

Kaq për ju”, shkruan Sata në postimin e tij./ CNA.al