LEXO PA REKLAMA!

SHKARKO APP

Në Landfillin e Sharrës bëhet vetëm groposje/ Pyetja që duhet t’i përgjigjet SPAK-u

18 Janar 2023, 18:52, Aktualitet CNA
Në Landfillin e Sharrës bëhet vetëm groposje/ Pyetja që
Landfilli i Sharrës

Roni Telegrafi, kryetari i komisionit te mjedisit në Partinë e Lirisë, ka ngritur një pyetje ndaj SPAK, lidhur me denoncimet që janë bërë së fundmi për inceneratorët.

Telegrafi tha në një intervistë me Armela Ferkon se në Landfillin e Sharrës mbeturinat vetëm groposen dhe proceset e tjera nuk kryhen, ndërkohë që qytetarët e Tiranës paguajnë 29 euro për ton.

Për këtë arsye, ai shtron pyetjen se përse për të njëjtin shërbim, çmimi është thuajse 100 përqind më i lartë në Tiranë se në Shkodër.

"Këtu nuk kemi më vend për denoncime, tani gjërat po provohen që deklaratat e kryeministrit dhe të kryetarit të bashkisë Tiranë kanë qenë të rrejshme sepse kryeministri bashkë me Veliajn thanë me zë e figurë se në Sharrë po bëhet një trajtim i plotë i mbetjeve ndërkohë që sapo u provua se aty ka vetëm groposje. 

Tashmë është fare e qartë se aty bëhet vetëm groposje dhe për këtë qytetarët e Tiranës paguajnë 29 euro, ndërkohë që për të njëjtin trajtim qytetarët e Shkodrës paguajën 1600 lekë, kaq duhet të mjaftonte nga organet hetimore që të nisnin një hetim më të thellë për procesin në vetëvete.

Si shpjegohet që për të njëjtin shërbim në dy qytete, çmimi është thuajse 100 përqind më i lartë, Tirana me Shkodrën, pse?? Kjo është një pyetje për të cilën duhet të përgjigjet SPAK-u.

Pse Tirana paguan dyfishin e Shkodrës ku trajtimi i mbetjeve është krejt i njëjti? Marrim mbetjet nga rruga, çoji në Sharrë e groposi.

Atëherë prokuroria dhe SPAK duhet t’i ishin përgjigjur pyetjes: ‘Përse’?!", theksoi Telegrafi./ B.A. – CNA.al

Lajmet e fundit nga