web counter
LEXO PA REKLAMA!

SHKARKO APP

App Store
Google Play

Tre protestues të shoqëruar në polici/ Përfaqësuesit e PD nisen drejt komisariatit

13 Shkurt 2023, 19:47, Aktualitet CNA

Tre protestues të shoqëruar në polici/ Përfaqësuesit e

Përfaqësues të Partisë Demokratike janë nisur tashmë drejt komisariatit nr.1 në Tiranë.

Ata po i dalin në mbrojtje tre protestuesve të cilët u shoqeruan në komisariat nga policia.

Ndërkohë një efektiv policie është raportuar i lënduar pas protestës.

Deputetja e Partisë Demokratike, Sorina Koti në një deklaratë jashtë komisariatit tha se 3 protestues janë ndaluar nga policia pasi po protestonin për fjalën e lirë dhe pluralizmin politik.

Ndër të tjera ajo njoftoi se gjendja e tyre shëndetësore është mirë.

“Është protesta e radhës ku asnjë zë nuk mund të cenohet, burgoset apo shoqërohet në Komisariatet e Policisë, aktualisht janë 3 përfaqësues të Partisë Demokratike në Komisariat, por për shkak të moshës njëri prej tyre do të lirohet shpejt, dy të tjerë janë njëri i forumit dhe tjetri anëtar, të cilët janë ndaluar sepse po protestojnë për fjalën e lirë, për pluralizmin politik dhe për të mbrojtur të drejtën e fjalës.

Unë sapo dola tani bashkë me kolegët e mi nga Komisariati ku kemi marrë garanci se ata do të lirohen së shpejti sepse në fund të fundit është e drejta kushtetuese e secilit nga ne për të protestuar, qoftë Brenda parlamenti apo jashtë tij.

Kështu që askush nuk ka të drejtë për të cënuar këdo që proteston për të drejtat e tij, ne do presim këtu deri në momentin që anëtarët tanë të dalin nga ambientet e Komisariatit.

Gjendja e tyre shëndetësore është e mire”, tha ajo./ CNA.al

 





Lajmet e fundit nga