web counter
LEXO PA REKLAMA!

SHKARKO APP

App Store
Google Play

E fundit!

x

Takimi në Bukuresht/ Balluku zbulon planin për krijimin e boshtit energjetik me 4 vendet e Europës

27 Tetor 2025, 14:50, Aktualitet CNA

Takimi në Bukuresht/ Balluku zbulon planin për krijimin e boshtit

Zëvendëskryeministrja Belinda Balluku ka qenë e pranishme në takimin e përvitshëm të Nivelit të Lartë të Ministrave të Energjisë së Europës Qendrore dhe Juglindore, drejtuar nga Komisioneri, Dan Jorgensen.

Në një prononcim për mediat, Balluku u shpreh se të gjithë ministrat kanë relatuar për situatën energjetike të rajoneve përkatëse, përgatitjet për dimrin 2025-2026 dhe mbi të gjitha sigurinë energjetike edhe nën optikën e kërcënimit që vjen nga përdorimi i gazit rus.

Balluku ka bërë me dije se për herë të parë raporti 8 mujor për 2025-ën tregon se është arritur të krijohet 10% e kapaciteteve gjeneruese nga burimet diellore, duke çuar kështu raportin total të prodhimit të brendshëm në 90% hidro dhe 10% energji diellore.

Po ashtu zbuloi se ka pasur një takim bilateral me ministrin rumun të Energjisë ku është diskutuar mbi një plan për krijimin e një boshti energjetik, ku përfshihen Shqipëria, Rumania, Maqedonia e Veriut, Bullgaria dhe Italia.

“Ministrat e Energjisë së Europës Qendrore dhe Juglindore u mblodhën sot në Bukuresht për takimin e përvitshëm të Nivelit të Lartë, drejtuar nga Komisioneri Europian për Energjinë, Dan Jørgensen, nën mikpritjen e Qeverisë Rumune, veçanërisht ministrit të Energjisë, Ivan.

Të gjithë ministrat kanë relatuar për situatën energjetike të rajoneve përkatëse, përgatitjet për dimrin 2025-2026 dhe mbi të gjitha sigurinë energjetike edhe nën optikën e kërcënimit që vjen nga përdorimi i gazit rus.

Kam përfituar nga rasti të ndaj në këtë event një arritje të rëndësishme të Shqipërisë gjatë këtij viti, bazuar në strategjinë kombëtare për diversifikimin. Për herë të parë raporti 8-mujor për 2025-ën tregon se kemi arritur të krijojmë 10% të kapaciteteve gjeneruese nga burimet diellore, duke çuar kështu raportin total të prodhimit të brendshëm në 90% hidro dhe 10% energji diellore.

Gjatë ditës kam pasur kënaqësinë të takoj dhe diskutoj me shumë nga kolegët që ishin prezentë dhe gjithashtu me Komisionerin Jorgensen, por dua të veçoj takimin bilateral me ministrin rumun të Energjisë ku kemi diskutuar mbi ngjizjen e një plani për krijimin e një boshti energjetik, ku përfshihen Shqipëria, Rumania, Maqedonia e Veriut, Bullgaria dhe Italia.

Bashkëpunimi i gjerë rajonal ka treguar se është dhe do të jetë baza e një suksesi të garantuar për sigurinë energjetike europiane”, tha Balluku./ CNA





Lajmet e fundit nga