web counter
LEXO PA REKLAMA!

SHKARKO APP

App Store
Google Play

Shembja e rrugës në Dragostunjë/ ARRSH: Do të ripunohet projekti i Elbasan–Librazhd–Qafë Thanë

26 Shkurt 2026, 08:48, Aktualitet CNA

Shembja e rrugës në Dragostunjë/ ARRSH: Do të ripunohet

Autoriteti Rrugor Shqiptar, në një njoftim të bërë ditën e sotme, ka përditësuar situatën në lidhje me shembjet dhe punimet që po kryhen në Dragostunjë.

Në njoftimin e bërë, ARRSH thotë se po punohet për heqjen e dherave në rrugën ekzistuese për t’u hapur terreni ku do të vendosen sondat për t’u kryer studimi gjeologjik.

Po ashtu, ARRSH njofton se ka nisur puna për sistemimin e rrjedhës së lumit Shkumbin.

Autoriteti njofton se sa i përket aksit të ri në ndërtim pas përfundimit të studimit gjeologjik do të bëhet ripunimi i projektit.

 

 

Njoftimi i ARRSH-së

 

Autoriteti Rrugor Shqiptar ka nisur punën me intensitet të lartë në disa fronte, me synim zgjidhjen sa më të shpejtë të situatës së krijuar.

Aktualisht po punohet për heqjen e masave të dherave në të dy anët e rrugës ekzistuese, me qëllim hapjen e terrenit ku do të vendosen sondat për realizimin e studimit të detajuar gjeologjik dhe për vlerësimin teknik të zonës pas rrëshqitjes.

Paralelisht, me një mobilizim të shtuar të mjeteve të rënda, kanë nisur punimet për sistemimin e rrjedhës së lumit Shkumbin. Rrjedha po orientohet në krahun e majtë, për të krijuar hapësirën e nevojshme për ndërtimin e një rruge alternative përgjatë linjës hekurudhore.

Pas përfundimit të studimit gjeologjik, do të kryhet ripunimi i projektit të zbatimit për aksin e ri rrugor Elbasan–Librazhd–Qafë Thanë.





Lajmet e fundit nga