web counter
LEXO PA REKLAMA!

SHKARKO APP

App Store
Google Play

E fundit!

x

Kufizimi i dhuratave dhe punësimi në kompani private/ Begaj vendos “gardh” për zyrtarët dhe ish-zyrtarët

25 Shkurt 2026, 21:28, Aktualitet CNA

Kufizimi i dhuratave dhe punësimi në kompani private/ Begaj vendos

Presidenti Bajram Begaj, ka dekretuar ligjin “Për parandalimin e konfliktit të interesit”, duke vendosur rregulla më të forta për zyrtarët e lartë publikë dhe rrethin e tyre familjar.

Ligji parashikon ndalime të qarta për zyrtarët në funksione të larta kushtetuese, anëtarët e qeverisë, deputetët dhe kryebashkiakët, të cilët, së bashku me familjarët e tyre, nuk lejohen të zotërojnë aksione apo të ushtrojnë aktivitete biznesi që përfitojnë nga pasuria apo fondet e shtetit.

Një tjetër pikë e rëndësishme e ligjit është kufizimi i dhuratave. Zyrtarëve u ndalohet pranimi i dhuratave tej një vlere të caktuar deri në 10.000 lekë, në përpjekje për të shmangur ndikimet e papërshtatshme në ushtrimin e detyrës.

Po ashtu, ligji vendos kufizime edhe për ish-zyrtarët. Ata nuk do të mund të punësohen në pozicione drejtuese në kompani private që kanë pasur lidhje me institucionin ku kanë shërbyer, për një periudhë deri në dy vite pas përfundimit të mandatit.

Ky ligj synon rritjen e transparencës dhe forcimin e mekanizmave kundër abuzimit me detyrën, duke synuar të rrisë besimin e publikut në institucionet shtetërore./ CNA

Kufizimi i dhuratave dhe punësimi në kompani private/ Begaj vendosKufizimi i dhuratave dhe punësimi në kompani private/ Begaj vendos

 





Lajmet e fundit nga