web counter
LEXO PA REKLAMA!

SHKARKO APP

App Store
Google Play

E fundit!

x

Punimet në aksin e bllokuar/ Drejtori i Planifikimit i ARRSH-së: Afatin mund ta kemi brenda 3-4 ditëve

25 Shkurt 2026, 14:32, Aktualitet CNA

Punimet në aksin e bllokuar/ Drejtori i Planifikimit i ARRSH-së:

Drejtori i Planifikimit Strategjik dhe Operacioneve në Autoritetin Rrugor Shqiptar, Indrit Koleci, në një prononcim për mediat ka bërë një përditësim të situatës në Dragostunjë.

Koleci tha se nuk mund të jepet ende një afat, duke qenë se janë duke u kryer ende testime.

Sa i përket periudhës së përfundimit të punimeve, drejtori i planifikimit tha se brenda 3-4 ditëve do të bëhet i ditur afati.

Duke u ndalur te rrugët alternative, Koleci tha se është bërë inspektimi i rrugës së Spatharës dhe u arrit në përfundimin që nuk ofron siguri dhe nuk mund të investohet në të.

 

“Nuk mund të themi akoma një afat. Ne kemi bërë një rilevim topografik të të gjithë zonës poshtë mbas lumit, aty ku do të bëhet edhe devijimi i përkohshëm. Kemi bërë një modelim hidraulik të shtratit të lumit ose të lumit. Do të bëjmë edhe një rishikim me trupin e ri rrugor që do të ndërtojmë, për të qenë sa më të sigurt në rast plotash të lumit. Vazhdojnë studimet në pjesën e sipërme për stabilizimin e masës së rrëshqitur. Afate nuk mund të themi, pasi janë volume të konsiderueshme, nuk mund të ngutemi dhe të themi diçka që pastaj do të tërhiqemi.

Si parashikim po them afatin mund ta kemi brenda 3-4 ditëve, do jemi në gjendje të themi që punimet mund të mbarojnë për aq kohë.

Do të vijojmë me masat që janë alternativat të cilat janë dhënë deri tani.

Autoriteti Rrugor i ka dhënë alternativat e veta. Kjo rrugë nuk i përmbush standardet e sigurisë. U bë inspektimi i rrugës Spathar që ditën e djeshme nga ekspertët tanë dhe ky aks që është 15.1 km nuk ofron siguri rrugore. Kështu që është një aks që ne nuk do ta marrim dot në konsideratë për të investuar mbi të”, tha Koleci.





Lajmet e fundit nga