E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit mes kreut...

Problematikat në aksin Librazhd-Pogradec/ Këlliçi: Rama fshihet pas drejtorëve

24 Shkurt 2026, 21:56, Aktualitet CNA

Problematikat në aksin Librazhd-Pogradec/ Këlliçi: Rama fshihet

Deputeti i PD-së Belind Këlliçi ka deklaruar se Shqipëria po përjeton krizën më të madhe në qarkullim e infrastrukturë ku sipas tij në disa zona ka shkuar në bllokim dhe kolaps total.

Këlliçi thekson se pavarësisht kësaj, Edi Rama nuk ndjen të mbajë asnjë përgjegjësi. Sipas deputetit, Rama sot u fsheh pas drejtorëve duke i nxjerrë ata në një konferencë për shtyp për të thënë që dëmtimet në aksin Librazhd-Pogradec kanë të bëjnë me një problem teknik dhe jo me qeverisjen.

Deputeti ka bërë thirrje se duhet ndaluar qarkullimi i Ramës pasi është burimi i çdo krize në vend.

Këlliçi thekson rënia e rrugëve është tërësisht pasojë e abuzimit me fondet dhe e trafikut që bën Rama me tenderat.

"Kriza më e madhe me rrugët, Edi Rama fshihet pas drejtorëve!

Shqipëria po përjeton krizën më të madhe në qarkullim e infrastrukturë ku në disa zona të vendit ka shkuar deri në bllokim e kolaps total, dhe sërish Edi Rama nuk ndjen e nuk mban asnjë përgjegjësi. Në darkë, ai nxori para medias disa drejtorë, si për të thënë që ky është një problem teknik, e nuk ka lidhje me qeverisjen dhe politikat që ai drejton.

Në këtë situatë që ka premisat të kthehet dhe në krizë humanitare, ku disa drejtues kamionësh kanë 4 ditë të bllokuar në vend dhe u shprehën në media se po u mbaron dhe uji e ushqimi, Kryeministri të vetmin reagim pati fluturimin në dy destinacione me helikopter dhe fajësimin e Opozitës.

S’ka më asnjë dyshim se Edi Rama nuk njeh as grimcën më të vogël të moralit dhe turpit.

Qytetarët çdo ditë ballafaqohen me ngjarje që tregojnë se duhet ndaluar qarkullimi i Edi Ramës, duhet bllokuar ai, sepse është burimi i çdo krize në vend. Rënia e rrugëve është tërësisht pasojë e abuzimit me fondet dhe e trafikut që bën ai me tenderat. Eshtë totalisht përgjegjësi e tij personale, dhe jo e disa drejtorëve.

Bashkohemi të shtunën, me 28 shkurt, para zyrës së krimit dhe korrupsionit, të ndalim Ramën të shpëtojmë Shqipërinë", deklaron Këlliçi./ CNA