web counter
LEXO PA REKLAMA!

SHKARKO APP

App Store
Google Play

Situata kaotike në aksin Librazhd-Pogradec/ Beja: Bëmë marrëveshje me Maqedoninë e Veriut, ja si do lëvizet

24 Shkurt 2026, 18:23, Aktualitet CNA

Situata kaotike në aksin Librazhd-Pogradec/ Beja: Bëmë

Drejtori i Përgjithshëm i Doganave Besmir Beja në një konferencë për shtyp njofton se, pas kontakteve me strukturat homologe të Maqedonisë së Veriut, është arritur një marrëveshje për lehtësimin e kalimit të mjeteve në pikën kufitare të Bllatës.

Nga nesër, ora 12:00 deri në 22:00, kamionët dhe trajlerët e ngarkuar do të mund të kalojnë çdo ditë, ndërsa kamionët e pa ngarkuar mund të kalojnë 24 orë në 24.

Sipas marrëveshjes, nuk lejohet kalimi i produkteve me origjinë shtazore dhe produkteve të naftës në këtë pikë; këto duhet të dërgohen përmes Kosovës.

Drejtoria e Doganave do të informojë për çdo ndryshim apo lehtësi të mëtejshme.

“Drejtoria e Përgjithshme e Doganës dhe strukturat e saj kanë trajtuar me shumë kujdes situatën.

Në mënyrë që të mos pengohet kryerja e formaliteteve doganore bazuar në alternativat e lëvizjes së mjeteve janë marrë kontaktet e nevojshme me strukturat homologe të Maqedonisë së Veriut dhe është gjetur mirëkuptimi i plotë nga ana e tyre në ndihmën për zgjidhejen e kësaj problematike.

Pala maqedonse ka bërë të mundur që nga pika e Bllatës, kamionët dhe trajlerët e ngarkuar nga nesër ora 12:00 deri në orën 22:00 mund të kalojnë për çdo ditë në vijim. Kamionët e pa ngarkuar mund të kalojnë përgjatë 24 orëve.

Vini re që në këtë pikë pala maqedonse nuk lejon kalimin e produkteve me origjinë shtazore ose produktet e naftës.

Këto kategori duhet të kalojnë nëpërmjet Kosovës.

Drejtoria e doganave do informojë për çdo ndryshim apo lehtësi të shtuar”, tha Beja./ CNA





Lajmet e fundit nga