web counter
LEXO PA REKLAMA!

SHKARKO APP

App Store
Google Play

E fundit!

x

Ja cilat janë aktet e prokurorëve, që kërkon të njihet Veliaj

24 Shkurt 2026, 14:31, Aktualitet CNA

Ditën e sotme në Apelin e Gjykatës së Posaçme është zhvilluar seanca për shqyrtimin e kërkesës së kryebashkiakut Erion Veliaj për ndryshimin e masës së sigurisë.

Seancë, e cila u shty për disa orë pasi kryebashkiaku ndaj të cilit rëndojnë 13 akuza për 5 vepra të rënda penale ka kërkuar të njihet me disa nga aktet e prokurorëve që janë çuar në seancën e Apelit të GJKKO-së.

Por çfarë janë këto akte që kërkon të njihet Veliaj? Në fakt, janë lobimet e adresuara nga Erion Veliaj, raportet e publikuara nga Departamenti Amerikan i Drejtësisë, ku jepet raporti i lobimit, pagesat, sulmet dhe akuzat ndaj prokurorëve, gjyqtarëve.

Lobime Erion Veliaj dhe vëllai i tij Arbër Veliaj kanë paguar 220 mijë dollarë, raportet dhe dokumentet e të cilave CNA i publikoi të plota.

Megjithëse kompania lobuese është kontraktuar nga Veliaj dhe paguar nga vëllai i tij, Veliaj kërkon që letrat zyrtare të nxjerra nga Departamenti i Drejtësisë t’i shohë a përputhen me ato që i kanë treguar atij më parë.

Në fakt, ato janë të pamohueshme, janë dokumente zyrtare të Departamentit të Drejtësisë, të cilat janë raportuar nga lobisti i tij. Pra, çdo deklarim i bërë aty është një dokument që mban firmat e Erion Veliajt, vëllait të tij, Arbër Veliaj, për pagesat dhe gjithçka tjetër që ata kanë pranuar të bëjnë në kuadër të lobimit apo mbrojtjes ligjore, edhe për shkrimet e ndryshme të botuara në mediat e huaja, apo shqiptare, të cilat ishin pjesë e një raporti me mashtrime të çuara në Senatin dhe në Kongresin Amerikan./CNA





Lajmet e fundit nga