web counter
LEXO PA REKLAMA!

SHKARKO APP

App Store
Google Play

“Shtet brenda shtetit”/ Artan Hoxha: Narkotrafikantët shqiptarë, problem i vërtetë për Europën

24 Shkurt 2026, 09:30, Aktualitet CNA

“Shtet brenda shtetit”/ Artan Hoxha: Narkotrafikantët

Gazetari Artan Hoxha tha sot se vendit i nevojitet një strategji e mirëfilltë kundër krimit të organizuar dhe narkotrafikut.

I ftuar në "A2CNN", Hoxha u shpreh se Shqipëria i ka këto organizata më të reja dhe pa struktura të mëdha, duke e lidhur edhe me situatën në shtetet e Ballkanit.

Sipas gazetarit, Europa nuk ka kartele aq të mëdha si në rastin e Meksikës, megjithatë grupimet mafioze veprojnë përmes metodave të tyre. 

“Në Shqipëri do të kemi një strategji të mirëfilltë duke pasur parasysh bashkëpunimin me Shtetet e Bashkuara të Amerikës dhe me partnerët europianë dhe tashmë krimi i organizuar shqiptar dhe narkotrafikantët shqiptarë janë një problem i vërtetë. Sidomos për Europën, ata janë një problem tashmë shumë i dukshëm, i shtrirë masivisht dhe kanë marrë prej kohësh ekskluzivitetin për të kryer trafikun e kokainës nga Amerika Latine drejt vendeve të Bashkimit Europian.

Në Ballkan ne kemi maksimumi organizata kriminale të cilat nuk përballen me shtetin haptazi. Në Shqipëri këto organizata janë edhe më të reja dhe nuk kanë struktura të tilla kaq të mëdha. Pra, ne nuk kemi ende kartelë të mirëfilltë, sepse kemi një problem shumë të madh. Organizatat tona nuk bien dakord se kush do të drejtojë. Pra, nuk arrijmë të bëjmë një aleancë kaq të madhe e cila të krijojë këtë problematikë.

Prandaj kartelet janë shumë të rrezikshme për vendin ku operojnë, sepse ato kthehen në rivale direkte të shtetit, të ligjit, aty janë kthehen në sundues të territorit dhe kjo gjë u jep atyre mundësinë dhe aftësinë që ata të kthehen në një shtet paralel, pra një shtet brenda shtetit. Nga strukturat që ne kemi parë deri tani maksimumi kemi pasur ndonjë një skuadër ekzekutimi, një grup vrasësish me pagesë, kryesisht për të goditur kundërshtarët e tyre dhe jo për të përballur me agjencitë e zbatimit të ligjit. Në Meksikë vriten vazhdimisht prokurorë, zyrtarë të nivelit të lartë, politikanë, gazetarë.

Në Europë nuk ka kartele kaq të mëdhaja. Organizatat mafioze që operojnë në Europë kanë një historik më të vjetër, kanë organizim dhe një strukturë krejt tjetër dhe kryesisht ato mundohen që me agjencitë e zbatimit të ligjit herë pas here t'i korruptojnë, të bëjnë aleanca me to, të shmangin një përplasje siç ndodh në Meksikë”,-tha Hoxha./CNA





Lajmet e fundit nga