web counter
LEXO PA REKLAMA!

SHKARKO APP

App Store
Google Play

Klodiana Lala tregon prapaskenat/ Ja çfarë ndodhi me kreun e SPAK-ut në mbledhjen për Ballukun

23 Shkurt 2026, 21:38, Aktualitet CNA

Klodiana Lala tregon prapaskenat/ Ja çfarë ndodhi me kreun e SPAK-ut

Gazetarja Klodiana Lala tregoi këtë mbrëmje detaje të reja lidhur me mbledhjen e zhvilluar sot në Këshillin e Mandateve për imunitetin e zëvendëskryeministres Belinda Ballukur, ku i pranishëm ishte edhe kreu i SPAK-ut, Klodjan Braho.

E ftuar në emisionin “Të paekspozuarit”, Lala tha se zhvillimi i mbledhjes me dyer të mbyllura ndodhi pikërisht sepse kështu u kërkua nga SPAK.

Po ashtu, Lala u ndal te argumentat e parashtruar nga Braho dhe veprat penale që u përmendën.

“Mbledhja e Këshillit për Mandatet dhe Imunitetit, u zhvillua me dyer të mbyllura, pasi u kërkua kjo gjë nga SPAK. Prokurorët pretenduan se është çështje nën hetim dhe ekziston rreziku të dëmtohen provat dhe hetimi. Kërkuan mbledhje me dyer të mbyllura.

Ka patur përdorim të termit “35 vjet burg”. Zoti Braho, duke parashtruar argumentat, ka deklaruar se në momentet e para, kur është kërkuar dhe miratuar pezullimi nga ushtrimi i funksioneve për Ballukun, veprat penale kishin marzh dënimi deri në 10 vite. Por më pas prokurorët pretendojnë se kanë prova të reja që kanë rënduar pozitat e Ballukut, 9 episode, tuneli i Llogarasë, 7 lote të Unazës dhe koncesioni Thumanë-Kashar. Prokurorët kanë thënë hipotetikisht mund të dënohet deri në 35 vite. Pozita e zonjës Balluku është rënduar ndjeshëm. Pra ka qenë ky konteksti në të cilën kanë përodorur prokurorët frazën 35 vite burg. 

Prokurorët, për të mbështetur kërkesën e tyre kanë paraqitur argumentin që Balluku mund të ndërhyjë për të prishur provat. Së dyti, ekziston rreziku të intimidohen dëshmitarë. Në këtë kontekst prokurorët kanë paraqitur përgjime, ku vartës të zonjës Balluku kanë folur mes njëri tjetrit, që ka dyshime që zonja Balluku po përdor njerëz me rekorde penale për të frikësuar dëshmitarët. Por nuk ka akuzë të re penale për intimidim të dëshmitarëve.

Prokurorët pretendojnë se kanë siguruar prova, që sipas tyre çojnë në dyshimin e arsyeshëm që Balluku po intimidon dëshmitarët.

Nuk ka një eksponent të krimit të organizuar të jetë përgjuar, por vartës që kanë pretenduar se janë shantazhuar nga njerëz me rekorde. Kur prokurorët ngrejnë këtë pretendim, është kusht shumë i fortë për të bindur Kuvendin për të dhënë autorizim.

Fillimisht kishte dyshime për një akuzë, tashmë ka disa lote dhe dyshime. Ka edhe dëshmi të njërës prej vartëseve, të Ballukut, që pretendon se tenderat i ka kryer nën urdhrat e Berberit, është e pandehur, pretendon se është kërcënuar për të tërhequr dëshminë ndaj Ballukut",-deklaroi Lala./CNA  

 

 





Lajmet e fundit nga