web counter
LEXO PA REKLAMA!

SHKARKO APP

App Store
Google Play

E fundit!

x

Bllokimi i Juglindjes nga shembja e urës/ “Zgjohen” deputetet e PD-së

23 Shkurt 2026, 14:12, Aktualitet CNA

Bllokimi i Juglindjes nga shembja e urës/ “Zgjohen” deputetet e

CNA e denoncoi një ditë më parë shembjen e urës tek “Arra e Gurrës” dhe vuri në dukje mungesën e deputetëve në terren.

Këtë të hënë duket se deputetët kanë reflektuar dhe kanë shkuar në aksin e bllokuar.

Deputetet e Partisë Demokratike, Klodiana Çapja e Qarkut Elbasan dhe Ledina Alolli e Qarkut të Korçës kanë shkuar në vendin ku është shembur ura tek "Arra e Gurrës" për të parë nga afër gjendjen e rëndë të rrugës.

Deputetet kanë akuzuar qeverinë se i ka braktisur shqiptarët të cilët rropaten maleve, ndërsa Rama shkon me helikopter në Korçë.

“Kam ardhur për të parë nga afër gjendjen e krijuar sepse është arteria kryesore që lidh juglindjen e Shqipërisë me kryeqytetin e vendit. Një dëm i madh jo vetëm për juglindje, por edhe për Qarkun e Korçës dhe ekonominë e rajonit të juglindjes. Sot është ditë e hënë dhe studentët duhet të ishin pranë auditoreve, por të mos harrojmë që këtë rrugë e përdorin edhe njerëz që shkojnë në Tiranë edhe për probleme të rëndësishme shëndetësore. Sot kryeministri Rama do të zbresë me helikopter në Korçë, kurse shqiptarët rropaten maleve për të shkuar në vendet që duhet të shkojnë. Rrugët e florinjta për shqiptarët mbeten rrugëve, kurse për kryeministrin Rama, kabinetin e tij dhe zv.kryeministren Belinda Balluku janë një mjet për të mbushur xhepat”, tha mes të tjerash Aliolli.

Prej disa ditësh qytetarët që shkojnë drejt juglindjes po përballen me orë të tëra pritje për shkak të bllokimit të aksit. Ky bllokim ka sjellë shqetësim tek udhëtarët dhe trafik të rënduar./ CNA





Lajmet e fundit nga