web counter
LEXO PA REKLAMA!

SHKARKO APP

App Store
Google Play

"Grupet shqiptare veprojnë edhe nga Senegali"/ Softa: Afrika Perëndimore, një korridor i ri kriminal

24 Shkurt 2026, 09:59, Aktualitet CNA

"Grupet shqiptare veprojnë edhe nga Senegali"/ Softa: Afrika

Eksperti i kriminalistikës, Fatjon Softa, i ftuar në "Syri TV", ka zbuluar se grupet kriminale shqiptare kanë kthyer Afrikën Perëndimore në një korridor të ri.

Softa tha se Senegali po përdoret nga grupet kriminale shqiptare që kontrollojnë dhe aktivitetet politike.

Eksperti deklaroi se Afrika Perëndimore është zgjedhur si një korridor kalimi për shkak të pozicionit gjeografik në të cilin ndodhet, por edhe nivelit të lartë të korrupsionit.

 

 

“Ky informacion që erdhi si rrjedhojë e një medieje të huaj, e cila flet dhe shkruan për peshën dhe rolin e grupeve të strukturuara shqiptare, të cilët veprojnë jashtë territorit, edhe nga Senegali, duke e përdorur atë si një korridor kalimi, dhe ata, për të cilët ata flasin që kontrollojnë ato aktivitete politike apo aktivitetet e Gjyqësorit, tregon dhe njëherë për peshën dhe fuqinë e këtyre grupeve, të paktën financiarisht dhe e dyta në lidhjet politike, sepse asgjë nuk mund të veprojë vetëm nga pikëpamja financiare, nëse nuk janë lidhjet politike dhe mbështetjet politike. Sigurisht që edhe në territorin shqiptar, këto grupe vazhdojnë të kenë dhe të shfrytëzojnë territorin për këtë lloj komunikimi, sepse komunikimi nuk është telefonik, komunikimi është financiar, komunikimi është edhe politik, sepse fakti që ushtrojnë aktivitete të tilla dhe përdorin kalimin e këtyre kanaleve tashmë nga Senegali, nga Amerika Latine drejt territorit, tregon dhe njëherë për peshën dhe fuqinë e tyre që ato kanë.

Afrika Perëndimore tashmë është një korridor i ri kriminal, ku lehtësirat që vijnë për shkak të pozicionit që ka nëpërmjet Atlantikut, nëpërmjet Mesdheut, duke përdorur edhe Ballkanin si një rrugë kalimi për të vajtur drejt vendeve të Bashkimit Europian, lehtësirat që ka për t'u lidhur në lidhje drejtpërdrejt që ka me Belgjikën, me Spanjën dhe me Francën, e ka bërë të rëndësishme edhe për shkak të nivelit të lartë të korrupsionit në këto vende”, tha Softa.





Lajmet e fundit nga