web counter
LEXO PA REKLAMA!

SHKARKO APP

App Store
Google Play

Bllokimi i aksit Librazhd-Pogradec/ Drejtori i Hekurudhave: Rëshqitja e masivit është aktivizuar 30 vjet më parë

24 Shkurt 2026, 18:17, Aktualitet CNA

Bllokimi i aksit Librazhd-Pogradec/ Drejtori i Hekurudhave: Rëshqitja e

Drejtori i Përgjithshëm i Hekurudhave, Ergys Verdho ka mbajtur fjalën e tij në konferencën e mbajtur për bllokimin e aksit rrugor Librazhd-Pogradec.

Verdho u shpreh se masivi i shembur, kishte një rrëshqitje të aktivizuar 30 vjet më parë. Ai shtoi më tej se gjithë strukturat janë në terren dhe po punojnë për zgjidhjen e problematikës.

“Segmenti hekurudhor Elbasan-Pogradec ndodhet në këtë fazë të dytë të projektit të detajuar. E gjithë linja ka që në 2012 që nuk përfshihet nga operimi dhe monitorohet herë pas here nga vrojtuesit e mjeteve që bëjnë raportim mujor në Drejtorinë e Infrastrukturës. Në kilometrin 103-700, pra në Dragostunjë, pjesë e këtij segmenti, si pasojë e reshjeve të shiut dhe rritjes së volumit të lumit Shkumbin, kemi pasur problematika të shtuara në këtë kilometër, ku unë do të shtoja masivi, jo rruga apo hekurudha, masivi i asaj zone ka një rrëshqitje e cila është e aktivizuar me 30 vite përpara.

Pra ky masiv, i ngarkuar nga shirat e katër muajve të fundit, bëri të mundur nga shumë faktorë të ndryshëm, si shiu, volumetria e të qenit në këtë kilometër, si dhe lumi Shkumbin me rritje të shtratit dhe përplasjen me shtratin e hekurudhës, bëri të mundur planin rrëshqitës. Gjithë strukturat tona janë në terren, janë marrë masat e nevojshme. Konsulentë tanë të përhershëm si dhe ata të Inxhinierisë së Ndërtimit po punojnë për zgjidhjen e problematikës. Do marrim masa për mobilizimin dhe mënjanimin e ujërave në atë shpat duke bërë prita në lumin Shkumbin.

Shpresojmë që shirat që mos të jenë prezent. Gjithë rrugët apo hekurudhat marrin drejtim nga konsulencat dhe superivizioni është prezent. Konsulenca që bën hekurudhën është Suezi, një nga kompanitë më të mëdhaja të kontraktuara për Korridorin e 8-të. Fazën e dyte nga Rrogozhina deri në Pogradec dhe lidhjen me RMV e ka në dorë një kompani prestigjioze e cila del me një përfundim në marsin e vitit 2027. Po bëjmë investigimin topografik aktualisht, në pranverë dhe verë do të bëjmë investigimin gjeologjik, për shkak të kushteve atmosferike. Do përgatiten projektet e detajuara strukturale. Do ritet niveli i tuneleve”, u shpreh Verdho. /CNA





Lajmet e fundit nga