web counter
LEXO PA REKLAMA!

SHKARKO APP

App Store
Google Play

Dëmtimi i rrugës Librazhd-Pogradec/ Meta: Nuk është faji i gjeologjisë, por i babëzisë

24 Shkurt 2026, 20:58, Aktualitet CNA

Dëmtimi i rrugës Librazhd-Pogradec/ Meta: Nuk është faji i

Kreu i Partisë së Lirisë, Ilir Meta ka komentuar, përmes një postimi në rrjetet sociale, dëmtimin e aksit rrugor Librazhd-Pogradec.

Në postimin e tij, Meta shprehet se nuk është faji i gjeologjisë por “i korrupsionit të madh”, për të cilin sipas tij po paguajnë të gjithë shqiptarët.

Postimi i plotë:

Nuk është faji i gjeologjisë, por është faji i BABËZISË!

Ja si e paralajmërova nga Shkodra, më 10 shkurt 2024, se si do të shembej rruga Korçë-Ersekë.

Dini gjë a u hetua?

A u dënua njeri?

A u zbulua ndonjë përgjegjësi penale për projektuesin?

Për ndërtuesin?

Po për supervizorin?

Nuk është as faji i Shkumbinit dhe as faji i shiut, por është faji i "Diellës" (Edi Ramës) dhe korrupsionit të saj (tij) skizofrenik, arsyeja pse po shemben rrugët, nga Veriu në Jug..

Jo për një rrugë, jo për një pallat, por edhe për të ndërtuar një shtëpi duhet studim gjeologjik dhe hidro-gjeologjik.

Por babëzia nuk pyet. Ndaj dhe rrugët shemben njëra pas tjetrës.

Ky është çmimi i rëndë i korrupsionit skizofrenik që po paguajnë sot të gjithë shqiptarët. /CNA





Lajmet e fundit nga