web counter
LEXO PA REKLAMA!

SHKARKO APP

App Store
Google Play

Dëmtimi i rrugës Librazhd-Pogradec/ Kaso: Çështjen do ta çojmë në SPAK

24 Shkurt 2026, 20:12, Aktualitet CNA

Dëmtimi i rrugës Librazhd-Pogradec/ Kaso: Çështjen do ta

Deputeti i PD-së, Ivi Kaso ka folur pasditen e sotme lidhur me problematikat që ka shkaktuar dëmtimi i rrugës Librazhd-Pogradec.

Kaso tha në një lidhje me Syri Tv, se arsyetimi se “fajin e ka shiu” për dëmtimin e rrugës, është tallëse për të gjithë ata që kanë mbetur të izoluar nga kjo problematikë. Ndër të tjera, deputeti tha se këtë çështje, Partia Demokratike do ta çojë në SPAK.

“Refreni “fajin e ka shiu”është i dëgjuar dhe tallës për të gjithë ato që nga problematika e ditëve të fundit janë izoluar nga çdo kontakt normal me pjesë të tjera të Shqipërisë, veçanërisht me kryeqytetin. Refreni “fajin e ka shiu”, është refren i dëgjuar si ato që “fajin e ka Saliu”. Një segment i Korridorit 8 është bërë pa studim gjeologjik dhe një tufë punonjësish shtetërorë mundohen të justifikojnë të pajustifikueshmen. Ne çështjen do ta çojmë në SPAK, sepse është çështje komplekse”, u shpreh Kaso. /CNA





Lajmet e fundit nga