web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 28 shkurtit/ Zhulali: Opozita synon thyerjen e arrogancës së qeverisë

24 Shkurt 2026, 19:39, Aktualitet CNA

Protesta e 28 shkurtit/ Zhulali: Opozita synon thyerjen e arrogancës

Drejtuesja e Departamentit të Marrëdhënieve me Jashtë në PD, Ilda Zhulali ka folur sot lidhur me strategjinë dhe qëllimin e protestave të opozitës. Në një dalje televizive, Zhulali tha se misioni i protestave dhe opozitës është shpëtimi i shqiptarëve nga kjo qeveri. 

Gjatë fjalës së saj, Zhulali e ka cilësuar si “tallje dhe arrogancë” edhe udhëtimin me helikopter të kryeministrit Edi Rama drejt Korçës.

“Ne protestojmë për largimin urgjent të kësaj qeverie, dorëheqjen e saj, qeveri tranzitore dhe zgjedhje të lira. I bëj apel të gjithë qytetarëve shqiptarë që më 28 shkurt të vijnë në shesh nga i gjithë vendi për të rrëzuar qeverinë. Duhet të kërkojmë largimin urgjent të qeverisë. Opozita është e vendosur dhe e bindur që t’i qëndrojë në ballë protestave, synohet bashkim i madh dhe ndërgjegjësim. Ndërsa juglindja ishte bllokuar e gjitha, kryeministri i vendit udhëton me helikopter, duke u tallur dhe me arrogancë dhe thotë ‘po shkoj te poli i ri i dijes’! Cili pol? I Shqipërisë së çarë më dysh si pasojë e rrugëve. Ne synojmë thyerjen e arrogancës së qeverisë dhe nuk është qëllim forca. Kërkojmë ndërgjegjësim dhe jo kaos. Shqipëria është nën sundimin e një autokracie, me një fasadë të pretenduar si demokraci”, vijoi Zhulali .

Ndër të tjera, ajo u shpreh se nesër në Tiranë vjen një tjetër mision faktmbledhës nga Partitë Popullorë Europiane.

“Nesër vjen një tjetër mision faktmbledhës nga Partitë Popullore, që do përgatisin projektrezoluta dhe vendime, që do i ndërmarrin nga Parlamenti Evropian dhe deri në Komision. Ka 7 rezoluta deri tani”, tha Zhulali. /CNA





Lajmet e fundit nga