web counter
LEXO PA REKLAMA!

SHKARKO APP

App Store
Google Play

“Makina me të cilën lëvizte autori ishte blerë në Tiranë”/ Detaje nga ekzekutimi i Renato Hoxhajt në Vlorë

24 Shkurt 2026, 20:39, Aktualitet CNA

“Makina me të cilën lëvizte autori ishte blerë në

Janë zbardhur detaje lidhur me vrasjen e ndodhur më 27 prill të vitit të kaluar në qytetin e Vlorës, ku u ekzekutua shtetasi Renato Hoxhaj, 58 vjeç.

Emisioni “Në Shënjestër” i gazetares Klodiana Lala, ka ndarë detaje nga dosja hetimore, ku thuhet se autori i vrasjes hyri në Shqipëri përmes Greqisë nga pika kufitare e Qafë Botës një javë para krimit dhe u largua po nga e njëjta pikë kalimi kufitar.

Ndërkohë, nga të dhëna të tjera të dosjes thuhet se makina me të cilën kishte lëvizur autori ishte blerë në Tiranë, ndërsa ka dyshime se vrasja ishte e porositur nga Dubai. Por ende nuk është e qartë se kush është urdhëruesi i këtij krimi

“Nga hetimet rezulton se automjeti me të cilin lëviz autori i vrasjes së Renato Hoxhaj, ka qenë në pronësi të një kompanie private këpucësh në Kamëz. Ku nga kontakti me administratorin e kësaj kompanie si dhe me punonjës të tjerë del se më datë 9 Prill 2025, ky automjet është shitur nëpërmjet një fature të rregullt, shtetases D. Sako, e cila është banuese në qytetin e Vlorës.

Por nga ajo që konstatohet është se automjeti është tërhequr fizikisht në ambientet e kompanisë nga një person mashkull i panjohur për administratorin dhe punonjësit e kompanisë. Por edhe pse në fillim personi që tërhoqi makinën ‘Land Rover’ nga kompania ishte i panjohur, grupi hetues pas kqyrjes së pamjeve filmike, mundi të bjerë shpejt në gjurmët e tij.

Dhe të krijojë bindjen se ky person ishte Eris Mehmetaj. I cili këtë ditë ishte paraqitur bashkë me një person tjetër në kompaninë e këpucëve ku ndodhej makina. Edhe pse makina ishte blerë nga shtetasja D. Sako, nga pamjet filmike të kamerave të kompanisë, u pa se për të tërhequr këtë automjet në kompani u paraqit në fillim një shtetas i panjohur, por që më pas u identifikua si Eris Mehmetaj”, thuhet në dosjen hetimore. /CNA

 





Lajmet e fundit nga