E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Eksperti i ekonomisë, kritikon Paqen Fiskale: Po penalizohet biznesi i ndershëm

24 Shkurt 2026, 21:40, Aktualitet CNA

Eksperti i ekonomisë, kritikon Paqen Fiskale: Po penalizohet biznesi i

Ekspert dhe koordinator i programit të Partisë Demokratike, Dorian Teliti ka komentuar debatet mbi amnistinë fiskale dhe konceptin e paqes fiskale, duke ngritur shqetësime për mënyrën se si, sipas tij, po trajtohen bizneset nga administrata shtetërore.

Teliti deklaroi se amnistia fiskale lidhet me të shkuarën, ndërsa paqja fiskale synon të ardhmen.

“Amnistia është një thirrje për ata që kanë detyrime të prapambetura, për t’u ulur dhe për t’i shuar ato. Në këtë hamulli të madhe që është ekonomia shqiptare, bilancet duhen pastruar, por mënyra se si bëhet kjo është thelbësore”, u shpreh ai.

Sipas Telitit, trajtimi i çështjes vetëm në aspektin kohor, pa një analizë të detajuar dhe pa instrumente shtesë, e bën procesin të padrejtë. Ai theksoi se shteti duhet fillimisht të identifikojë borxhet e parikuperueshme dhe t’i diferencojë ato nga detyrimet që mund të rikuperohen përmes rrugëve ligjore.

Teliti solli në vëmendje edhe rastet e bizneseve që nuk kanë paguar detyrimet ndër vite dhe, sipas tij, i kanë përdorur këto fonde për të krijuar avantazh konkurrues.

“Nëse dikush nuk ka paguar detyrimet dhe i ka përdorur për konkurrencë të padrejtë, kjo nuk është e drejtë. Duhet një instrument edhe për palët e ndershme. Çfarë përfitojnë ata? Asgjë. Madje u shkohet për kontrolle shtesë nga tatimorët”, deklaroi ai.

Duke folur për paqen fiskale, Teliti sqaroi se ajo parashikon një marrëveshje trevjeçare mes biznesit dhe shtetit.

Sipas tij, subjekteve u kërkohet të deklarojnë të paktën 18% më shumë fitim krahasuar me vitin 2025, deri në një tavan 50%, ndërsa në këmbim u lejohet të rishikojnë bilancet e vjetra të aseteve, duke paguar 5% tatim.

“Subjekti i ndershëm ka paguar 15% tatim, kurse ai që hyn në marrëveshje paguan 5% dhe për tre vite nuk i shkojnë strukturat shtetërore te dera”, theksoi Teliti.

Një tjetër element problematik, sipas tij, është kushti për heqjen dorë nga ankimimet. Ai rikujtoi se ankimimi është e drejtë kushtetuese dhe aktualisht bizneset duhet të parapaguajnë 50% të shumës së gjobës për të bërë ankesë.