web counter
LEXO PA REKLAMA!

SHKARKO APP

App Store
Google Play

E fundit!

x

Lamallari, kërkesë ILD-së: Hetim disiplinor ndaj gjyqtares së Apelit Tiranë

25 Shkurt 2026, 14:34, Aktualitet CNA

Lamallari, kërkesë ILD-së: Hetim disiplinor ndaj gjyqtares

Ministri i Drejtësisë, Besfort Lamallari, i është drejtuar Inspektoratit të Lartë të Drejtësisë (ILD) me një kërkesë zyrtare për fillimin e hetimit disiplinor ndaj gjyqtares së Gjykatës së Apelit të Juridiksionit të Përgjithshëm Tiranë, Irena Brahimi.

Hetimi disiplinor është kërkuar pasi tejkalimi i çdo afati ka vonuar zbardhjen e vendimit të arsyetuar për plot 1 vit, 10 muaj dhe 20 ditë.

Në shkresën e firmosur nga ministri Besfort Lamallari theksohet se bazuar në nenin 430/1 të Kodit të Procedurës Penale, rezulton se dorëzimi i vendimit në rastin konkret ka tejkaluar ndjeshëm kufijtë proceduralë.

“Një vonesë e tillë cënon standardin e gjykimit brenda një afati të arsyeshëm dhe ndikon drejtpërdrejtë në realizimin e të drejtës për një proces të rregullt ligjor, pasi pengon palët në ushtrimin në kohë të mjeteve të ankimit. Në këto kushte Ministri i Drejtësisë vlerëson se ekzistojnë elementët e mjaftueshëm për fillimin e procedimit disiplinor për shkelje të detyrimeve procedurale të përcaktuara në nenin 430/1 të Kodit të Procedurës Penale”,-shkruhet në kërkesë./CNA





Lajmet e fundit nga