web counter
LEXO PA REKLAMA!

SHKARKO APP

App Store
Google Play

E fundit!

x

“Dëmtimet e rrugëve janë krim pa ndëshkim”/ Malltezi: Kasaphanë po ndodh kudo

25 Shkurt 2026, 16:51, Aktualitet CNA

“Dëmtimet e rrugëve janë krim pa ndëshkim”/

Jamarbër Malltezi ka reaguar ashpër lidhur me dëmtimet e rrugëve në vend, duke i cilësuar ato si një situatë “kriminale”, ku sipas tij ka autorësi, por mungon përgjegjësia penale.

Në një intervistë për mediat, Malltezi u shpreh se dëmi i shkaktuar është jo vetëm infrastrukturor, por edhe ekologjik dhe i parikuperueshëm.

“Është krim pa ndëshkim. Ka autorë, por askush nuk mban përgjegjësi penale”, theksoi ai.

Sipas tij, edhe rruga alternative e hapur për të zgjidhur situatën është shkatërruar, çka tregon se e gjithë skarpata nuk është e qëndrueshme.

“Kjo do të thotë se e gjithë zona nuk mban. Janë bërë ndërhyrje pa studime gjeologjike dhe pa respektuar as ligjet, as lejet përkatëse”, deklaroi Malltezi.

Ai shtoi se ndërtime të tilla po ndodhin në disa zona, duke akuzuar institucionet për mungesë kontrolli dhe planifikimi. Sipas tij, punimet janë kryer “sipas qejfit”, pa transparencë dhe pa analiza të thelluara teknike, duke sjellë pasoja të rënda për mjedisin dhe sigurinë publike.

Deklaratat vijnë në një kohë kur dëmtimet e infrastrukturës rrugore kanë nxitur debat publik mbi standardet e ndërtimit dhe mbikëqyrjen e projekteve.

“Është kriminale, ka autorësi, por nuk ka përgjegjësi penale. Dëmi ekologjik është i parikuperueshëm, është krim pa ndëshkim.

Rruga alternative që hapën dhe ajo u shkatërrua. K jo do tëthotë se e gjithë skarpata nuk mban. Kaspahanë po ndodh kudo, janë bërë pa studime gjeologjike. Nuk kanë pyetur as për ligje as për leje. I kanë bërë sipas qejfit”, tha Malltezi./ CNA





Lajmet e fundit nga