web counter
LEXO PA REKLAMA!

SHKARKO APP

App Store
Google Play

Goditi me grusht një shtetas që i ofendoi bashkëshorten/ Pezullohet inspektori i policisë në Patos

25 Shkurt 2026, 14:54, Aktualitet CNA

Goditi me grusht një shtetas që i ofendoi bashkëshorten/

Pezullohet inspektori i policisë në Patos pasi goditi me grusht një shtetas.

Inspektori me iniciale K.Gj. kishte goditur katër ditë më parë një shtetas në ambientet e Policisë Patos, pasi ky i fundit ishte konfliktuar me disa persona në një market, ku kishte ofenduar edhe gruan e inspektorit që është punonjëse te biznesi.

“Pezullohet punonjësi i Policisë, Inspektor K. Gj., me detyrë Trupë Shërbimi Operacionale në Forcën e Posaçme “Shqiponja” të DVP Fier, për shkelje të nenit 121, pika 1, germa “m”, “Kryerja e veprimeve që cënojnë rëndë figurën e punonjësit të Policisë, institucionin apo shërbimin policor në tërësi”, të ligjit nr. 82/2024 “Për Policinë e Shtetit”.

Më datë 21.02.2026, dyshohet se shtetasi K. Gj. ka goditur një shtetas të shoqëruar në ambientet e Stacionit të Policisë Patos, me pretendimin se i shoqëruari ishte konfliktuar në një market në Patos me disa persona dhe gjatë konfliktit, kishte ofenduar bashkëshorten e shtetasit K. Gj., e cila ishte punonjëse e marketit.

Krahas hetimit administrativ që po kryhet nga Drejtoria e Standardeve Profesionale në Policinë e Shtetit, Agjencia e Mbikëqyrjes Policore po vijon hetimin penal ndaj tyre”,-thuhet në njoftim./CNA





Lajmet e fundit nga