web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhja e Avokatit të Popullit/ Kushtetuesja vendos moskalimin e çështjes

25 Shkurt 2026, 16:01, Aktualitet CNA

Zgjedhja e Avokatit të Popullit/ Kushtetuesja vendos moskalimin e

Gjykata Kushtetuese ka vendosur të mos kalojë në shqyrtim çështjen e zgjedhjes së Avokatit të Popullit një ankimim i bërë nga PD.

Demokratët kishin kërkuar konstatimin e papajtueshmërisë me Kushtetutën të vendimit të Kuvendit për zgjedhjen e Avokatit të Popullit, si dhe pezullimin e menjëhershëm të tij nga detyra deri në një vendim përfundimtar në themel.

Sipas tyre, procesi i votimit ishte në shkelje të procedurave, pasi një pjesë e deputetëve të PD-së kishin tërhequr firmat e dhëna më herët në mbështetje të kandidaturës.

Fillimisht, deputetët demokratë kishin firmosur pro kandidaturës, por më pas kërkuan zyrtarisht tërheqjen e firmave.

Socialistët nuk e pranuan këtë tërheqje dhe e çuan çështjen në votim në seancë plenare, ku kandidatura mori 85 vota pro dhe u miratua.

PD argumentoi se precedentë të ngjashëm kanë ndodhur edhe më herët, konkretisht në korrik 2022, kur sipas saj mazhoranca kishte pranuar tërheqjen e firmave.

Për këtë arsye, opozita iu drejtua Gjykatës Kushtetuese duke e cilësuar procesin si të paligjshëm dhe në kundërshtim me Kushtetutën./ CNA





Lajmet e fundit nga