web counter
LEXO PA REKLAMA!

SHKARKO APP

App Store
Google Play

E fundit!

x

Rajonit jugor i mungojnë turistët grekë/ Arrihet marrëveshje bashkëpunimi për atraksionet turistike

16 Dhjetor 2024, 21:57, Aktualitet CNA
Rajonit jugor i mungojnë turistët grekë/ Arrihet marrëveshje
Maksi Hoxha

Operatorët turistikë në Gjirokastër po bëhen gati për pritjen e vizitorëve, ndërsa synohet shtimi edhe më tej i numrit të turistëve.

Për këtë arsye, Dhoma e Tregëtisë dhe Industrisë zhvilloi në Janinë një takim me shoqatën e Hoteleri-Turizmit të vendit fqinj, ndërsa u arrit edhe një marrëveshje bashkëpunimi për rajonin jugor.

Maksi Hoxha, kreu i Dhomës së Tregëtisë në Gjirokastër, tha se është mjaft i rëndësishëm promovimi i vlerave të trashëgimisë kulturore, si dhe resurseve të shumta që ka qarku i Gjirokastrës.

“Kishim kohë që kishim menduar ta zhvillinim këtë takim dhe ketë aktivitet në fokus të të cilit ishte prezantimi i resurseve turistike të Qarkut të Gjirokastrës. Duke parë vitet e fundit rritjen e turistëve të huaj në qark, pjesa e turistëve të prefekturës së Janinës që jemi dhe kaq afër kanë qenë në numër relativisht të ulët dhe ne këtë donim të arrinim nëpërmjet këtij takimi. Në këtë takim, përveç prezantimit u nënshkrua edhe një marrëveshje bashkëpunimi që bizneset të jenë më afër njëri-tjetrit, të nisin përpilomin e paketave turistike të përbashkëta për të dyja anët e kufirit. Pjesëmarrja në takim nga pala greke ishte e kënaqshme dhe nga statistikat rezulton që nga Shqipëria numri i vizitorëve drejt Janinës është shumë i lartë dhe ne këtë kërkuam që të na kthehet mbrapsht ai numër vizitorësh edhe nga pala greke, sepse distanca është shumë e afërt”, u shpreh Maks Hoxha .

Viti që po lëmë pas është konsideruar mjaft i suksesshëm nga operatorët turistikë dhe bizneset, kryesisht ato akomoduese ku numri këtyre të fundit është rritur ndjeshëm. Turistët kanë mbërritur nga mbarë vendet e botës, por diferencën edhe për këtë vit e bënë ata italianë dhe spanjollë.





Lajmet e fundit nga