web counter
LEXO PA REKLAMA!

SHKARKO APP

App Store
Google Play

E fundit!

x

Nancy VanHorn mbështet SPAK-un/ “Po lufton bosët e krimit dhe korrupsionin në nivel të lartë”

16 Dhjetor 2024, 16:23, Aktualitet CNA
Nancy VanHorn mbështet SPAK-un/ “Po lufton bosët e krimit dhe
E ngarkuara me punë e SHBA në vendin tonë, Nancy VanHorn

Në konferencën për mbylljen e mandatit të KPK-së dhe Komisionerit Publik, e ngarkuara me punë e SHBA në vendin tonë, Nancy VanHorn, shpreh mbështetje për prokurorët e posaçëm.

VanHorn deklaroi se SPAK po lufton për të çuar para gjykatës bosët e krimit dhe zyrtarët e lartë të përfshirë në korrupsion.

Ajo u shpreh se në Shqipëri po ndihet ndikimi i drejtësisë, ndërkohë që kërkoi të vijohet me këtë progres kundër korrupsionit.

“Që nga viti 2018 komisonerët kanë punuar me zell për të shikuar integritetin e gjyqtarëve dhe prokurorët, ju keni vendosur një standard që mbahet si shembull jo vetëm në Europë pro edhe vende tjera. Proces i vështirë, por premtues për një shoqëri më të drejtë për gjithë qytetarët. Ka pasur rezistencë ndaj reformës në drejtësi dhe kjo vazhdon edhe sot në disa vende. Komisionerët kanë bërë sakrifica të mëdha si profesionale. Edhe vetjake, kanë marrë vendime jo popullore. Kanë treguar guxim të jashtëzakonshëm për t’u përballur me hakmarrjen për këto vendime jopoullore shkarkimi.

Populli i Shqipërisë duhet ta dijë se zyrtarët e qeverisë po mbahen llogaridhënës dhe do vazhdojë falë punës së mirë të shqiptarëve trima si ju. Festojmë këtë gur kilometrik të shkëlqyer të arritjeve të organeve të vettingut sot. Rivlerësimi s’ka përfunduar, kërkesa e popullit shqiptar për drejtësi është po aq e fortë sa në 2016, kjo është falë punë suaj. Prokurorët në SPAK po luftojnë për të çuar para gjykatës bosët e krimit dhe figurat e larta të korruptuara. Ju nxis të gjithëve ju që ndodheni sot që të ndiheni krenar për të këto arritje.

Mbetet më shumë për të bërë, ju keni ndërtuar institucionet të reja të drejtësisë në emër të popullit shqiptar. E rëndësishme t’i përdorni në masën e duhur, duhet të jeni efikase, të pavarur dhe të paanshëm. Duhet të vazhdoni punën para çdo pengesë, ne jemi me ju që nga 2016 dhe po fillojmë të shohim ndikimin drejtësisë. Vazhdoni këtë progres kundër korrupsionit”, theksoi VanHorn./ CNA





Lajmet e fundit nga