web counter
LEXO PA REKLAMA!

SHKARKO APP

App Store
Google Play

Pse duhej vrarë Ravik Gurra?/ Ish-ministri: Shokët e mi, gjyqtarë e prokurorë thonë se nuk e dinë arsyen

23 Nëntor 2022, 09:28, Aktualitet CNA

Pse duhej vrarë Ravik Gurra?/ Ish-ministri: Shokët e mi, gjyqtarë

Ish-Ministri i Drejtësisë, Ylli Manjani, ka rrëfyer një bisedë që ka pasur me avokatin tashmë të ndjerë, Ravik Gurra, pas kthimit të tij nga Anglia.

Pas asaj bisede, Manjani shkruan se nuk kishte dëgjuar më për të deri ditën që e vranë.

“Ravik Gurra në kursin tonë në Fakultet ishte hazërxhevap.

Nuk ta përtonte as përgjigjen e as batutën therëse.

Në ato vite filluan dhe protestat studentore dhe Raviku ishte promotor i zjarrtë i tyre.

Pas shkollës, provoi të punonte në Shqipëri, por disi u josh të largohej në Angli. Punoi e krijoi familje atje.

U kthye në Shqipëri relativisht vonë. Kishte marrë kulturë të mirë Angleze.

"U ktheva. Anglia është e mirë për fëmijët, jo më për mua"- më tha kur e takova atë vit sapo ishte kthyer.

Nuk kisha dëgjuar më për të deri ditën që mësova lajmin e kobshëm të vrasjes”, shkruan Manjani në rrjete sociale.

Ai shkon më tej duke rrëfyer biseda me gjyqtarë e prokurorë shokë të tij, të cilët janë të çuditur se përse e vranë Gurrën.

“Shokët e mi gjykatës e prokurorë që kishin më shumë njohje pune me të më thanë se nuk e kuptonin aspak pse e vranë.

U trishtuam shumë!

Nuk ka pse vritet avokati.

Pse duhej vrarë Raviku?!

Këto ditë lexova për disa përgjime dhe për një Taulant të PS-së, që mund të ketë dijeni për këtë ngjarje.

O Taolant!

O SPAK!

Duam ta dimë, përse u vra avokat Ravik Gurra?!”shkruan Manjani./CNA.al

Pse duhej vrarë Ravik Gurra?/ Ish-ministri: Shokët e mi, gjyqtarë





Lajmet e fundit nga