LEXO PA REKLAMA!

SHKARKO APP

E fundit!

x

Përmbytjet/ Rama ‘shënjestron’ mediat nga Lezha: Po bëjnë qametin

22 Nëntor 2022, 18:46, Aktualitet CNA
Përmbytjet/ Rama ‘shënjestron’ mediat nga Lezha: Po
Kryeministri Edi Rama

Kryeministri Edi Rama ka ‘shënjestruar’ mediat për raportimet e përmbytjeve në Lezhë nga reshjet e dendura të shiut.

Rama ka publikuar në rrjetet sociale pamje nga Lezha, ku ka parë situatën më nga afër. Ai thotë se sipas mediave në këtë qark është bërë qameti, por pretendon se e vërteta është ndryshe.

Kreu i qeverisë deklaron se perimetri i tokave nën ujë është zvogëluar dhe nuk ka asnjë shtëpi të përmbytur.

“Në Lezhë (ku sipas kanaleve e portaleve është bërë qameti) falë punës papushim të kryetarit të bashkisë dhe mbështetjes së pakursyer të Ministrisë së Bujqësisë, me gjithë dendësinë e madhe të reshjeve, perimetri i tokave nën ujë është zvogëluar si asnjëherë më parë, ndërkohë që nuk ka prani uji në asnjë shtëpi dhe nuk ka arritur as 50 numri i familjeve që kanë pasur nevojë për ndihmë, dhe e kanë marrë menjëherë nga bashkia.

Mbetet objektivisht përherë problem gjithësesi kur fryrja e Drinit nuk e lejon përthithjen e ujrave nga Gjadri dhe uji tërhiqet me vështirësi nga kjo zonë nën kuotë pranë Torovicës”, thekson Rama./ B.A. – CNA.al

Lajmet e fundit nga