web counter
LEXO PA REKLAMA!

SHKARKO APP

App Store
Google Play

"Megaoperacioni" policor në Kavajë/ Sekuestrohet plot 1 celular

22 Nëntor 2022, 14:19, Aktualitet CNA

"Megaoperacioni" policor në Kavajë/ Sekuestrohet plot 1

Policia e Kavajës ka arrestuar një shtetas, i cili vinte baste sportive.

Ka shkëlqyer ka bërë një megaoperacion ku ka sekuestruar vetëm një celular, tregon suksesin e radhës të Policisë së shtetit tonë.

Dhe këtë arritje, këtë sukses ka nxituar ta shpërndajë në media. Kjo mund të sjellë edhe ndonjë dekoratë për drejtuesit e policisë atje.

Njoftimi:

Goditet nga Komisariati i Policisë Kavajë, një rast i veprimtarisë së paligjshme të lojërave të fatit, në kuadër të operacionit policor të koduar "Fati i lojërave".

Vihet në pranga 1 shtetas që vinte baste sportive, nëpërmjet aparatit celular.

Sekuestrohet aparati celular.  

Shërbimet e Komisariatit të Policisë Kavajë, në vijim të punës për goditjen e paligjshmërisë në fushën e lojërave të fatit, në kuadër të operacionit të koduar "Fati i lojërave", kanë organizuar kontrolle në lokale dhe në ambiente të ndryshme, të cilat mund të vihen në dispozicion për organizimin e lotarive të palejuara. Si rezultat i kontrolleve është evidentuar dhe goditur 1 rast i kësaj veprimtarie.  

Në vijim të veprimeve u arrestua në flagrancë shtetasi:

T. X., 28 vjeç, banues në Luz, pasi u kap duke vendosur baste sportive, nëpërmjet aparatit celular, i cili u sekuestrua nga Policia, në cilësinë e provës materiale.

Materialet procedurale i kaluan Prokurorisë, për veprime të mëtejshme./CNA.al





Lajmet e fundit nga