web counter
LEXO PA REKLAMA!

SHKARKO APP

App Store
Google Play

Zbulohen detajet/ Kush do të “zbarkojë” në Tiranë në datën 6 dhjetor

21 Nëntor 2022, 22:52, Aktualitet CNA
Zbulohen detajet/ Kush do të “zbarkojë” në
Kreu i grupit parlamentar të Partisë Socialiste, Taulant Balla

Kreu i grupit parlamentar të Partisë Socialiste, Taulant Balla, ka zbuluar më shumë detaje rreth samitit BE-Ballkani Perëndimor që do të mbahet në Tiranë më 6 dhjetor.

i ftuar në "Opinion", Balla tha se liderët e BE-së pritet që të mbërrijnë në kryeqytet pasditen e 5 dhjetorit ndërsa samiti fillon dhe mbaron punimet më datën 6.

“Data 6 është data e samitit, në fakt, një pjesë e udhëheqësve të vendeve të BE duhet të mbërrijnë që në datën 5 pasdite dhe pastaj gjatë gjithë datës 6 do të zhvillojë punët samiti. Samiti i parë i këtij niveli që zhvillohet në Shqipëri, madje dhe në vendet e Ballkanit Perëndimor, ku të gjithë udhëheqësit e BE, të 27 kryeministrat apo presidentët do të takohen me 6 udhëheqësit e vendeve të Ballkanit Perëndimor. E quaj një samit historik po të kemi parasysh kontekstin e rëndësishëm dhe të vështirë gjeopolitik që ndodhemi për shkak të agresionit rus kundër Ukrainës prej 24 shkurtit.

Samiti është brenda datës 6. Fillon dhe mbaron në datën 6. Natyrshëm është edhe në një kontekst tjetër. Mos të harrojmë që Shqipëria ka marrë presidencën e Procesit të Berlinit dhe të gjitha këto ndërthuren me njëra-tjetrën dhe po të kemi parasysh që kemi faktin që Shqipëria prej 19 korrikut bashkë me RMV kanë filluar bisedimet për anëtarësim, pra kanë hapur negociatat duke pasuar me procesin screening”, tha Balla.

 

Ndër të tjera, kreu i grupit parlamentar të PS, tha se në samit pritet të vijnë të gjithë liderët e BE-së, duke përmendur këtu edhe kancelarin gjerman, Olaf Scholz, apo edhe Presidenti i Francës, Emmanuel Macron.

“Të gjithë. Sa kohë që është samit, niveli i përfaqësimit është vetëm në nivel kryeministrash, flas këtu për rastin e Gjermanisë në nivelin e Kancelarit Scholz apo kryeministra të vendeve të tjera, apo Presidentash siç është në rastin e Francës, e me radhë”, u shpreh Balla./ CNA.al





Lajmet e fundit nga