web counter
LEXO PA REKLAMA!

SHKARKO APP

App Store
Google Play

E fundit!

x

Vrasje dhe plagosje me thikë/ Prokuroria e Sarandës dërgon në gjykatë dy autorët

21 Nëntor 2022, 18:44, Aktualitet CNA
Vrasje dhe plagosje me thikë/ Prokuroria e Sarandës dërgon
Prokuroria e Sarandës

Prokuroria e Sarandës ka mbyllur hetimet për dy ngjarje kriminale të ndodhura në prill dhe në qershor të këtij viti në Sarandë.

Mësohet se prokurori Ilir Hoxha ka dërguar në gjykatë dosjet për 37-vjeçarin Enivled Aliaj dhe 43-vjeçarin Jorgo Golemaj.

Aliaj, rezulton si person në kërkim për akuzën “vrasje me dashje e mbetur në tentativë”. Mbrëmjen e 9 prillit të këtij viti, në një lokal në shëtitoren e qytetit, Aliaj tentoi të vriste, duke goditur disa herë me thikë 29 vjeçarin Dino Majko. Ky i fundit mbeti i plagosur, ndërsa autori u largua nga vendngjarja.

Aliaj ishte konfliktuar edhe më parë me Majkon. 1 muaj para tentativës për vrasje, ai kishte shpuar gomat e makinës së 29-vjeçarit dhe dy ditë më pas kishte kanosur me thikë brenda ambienteve të Spitalit të Sarandës ish-bashkëshorten e tij. Ai u la në burg me masë sigurimi për "dhunë në familje", por gjykata e Sarandës e cilësoi arrestimin si të paligjshëm dhe e la të lirë. Kjo u pasua me tentativën e vrasjes së Dino Majkos më 9 prill.

Nga ana tjetër, Jorgo Golemaj akuzohet për veprën penale “vrasje me dashje”. Në 7 qershor të këtij viti, Golemaj u konfliktua në shetitoren e qytetit me 40 – vjeçarin Kledi Koka, të cilin e goditi me thikë dhe ndërroi jetë pak minuta pas mbërritjes në spital. Golemaj pretendon se viktima e kishte goditur më parë pas një konflikti verbal./ B.A. – CNA.al





Lajmet e fundit nga