web counter
LEXO PA REKLAMA!

SHKARKO APP

App Store
Google Play

E fundit!

x

Sokol Balla "kapërcen sërish ylberin"/ Merr drejtimin e "Abc News"

21 Nëntor 2022, 17:35, Aktualitet CNA
Sokol Balla "kapërcen sërish ylberin"/ Merr drejtimin e
Sokol Balla

Sokol Balla ka kapërcyer nga një televizion në një tjetër.

Pas sherrit me aksioneren Lori Hoxha dhe largimit nga “Top Channel” e më pas shfaqjes në ekranin e “Report Tv”, CNA.al ka mësuar se Sokol Balla është bërë pjesë e një tjetër televizioni.

Burime bëjnë me dije se Balla do të marrë drejtimin e “Abc News”. Të njejtat burime i thanë CNA.al se sot Balla ka takuar pronarin e ri të këtij televizioni dhe ka mbyllur marrëveshjen për të qenë drejtori i “Abc News”.

Kujtojmë se Sokol Balla iku nga “Top Channel” pas gati 9 muajsh nga emërimi si drejtori i informacionit.

CNA.al raportoi se ai ka pasur një përplasje të fortë me aksioneren Lori Hoxha, e cila aktualisht po merret me menaxhimit e televizionit, gjë që ka dërguar në shkarkimin e tij.

Sokol Balla "kapërcen sërish ylberin"/ Merr drejtimin e
Fotomontazh - Sokol Balla dhe Lori Hoxha

Vetëm pak ditë pas largimit nga “Top Channel”, moderatori me emisionin e tij “Real Story” shkuan tek “Report Tv” e Carlo Bolinos, por duket se shumë shpejt ka ardhur edhe “divorci” i radhës dhe tashmë Sokol Balla do të shkojë tek “Abc News”.

Nga ana tjetër, javët e fundit në tregun mediatik është përfolur shumë shitja e "Abc News" tek "Media Holding", ku në QKB rezulton të jetë aksioner i vetëm Esat Bojku.

Ndonëse blerësi i kësaj kompanie mediatike, u përfol që do të ishte Shkëlqim Devolli, emri i biznesmenit nuk shfaqet askund./ B.A. – CNA.al





Lajmet e fundit nga