web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e opozitës/ Balluku: Shkarkimet janë bërë për të shmangur përmbytjet masive, kanë qenë të organizuara

20 Nëntor 2022, 23:49, Aktualitet CNA
Akuzat e opozitës/ Balluku: Shkarkimet janë bërë për
Zv.kryeministrja dhe ministrja e Infrastrukturës dhe Energjisë, Belinda Balluku

Zv.kryeministrja dhe ministrja e Infrastrukturës dhe Energjisë, Belinda Balluku, ka folur per situatën në hidrocentralin e Vaut të Dejës, pas reshjeve të dendura të shiut.

Duke iu përgjigjur akuzave të opozitës, Balluku tha se shkarkimet janë bërë të organizuara për të shmangur përmbytjet masive.

Ajo deklaroi se ky nuk është momenti për të bërë retorika politike dhe për të dezinformuar qytetarët.

“Kemi pasur reshje me intensitet të lartë që kanë qenë mbi parashikimet tona dhe na është dashur të bëjmë shkarkime të organizuara. Në të kundërt do të kishim përmbytje masive. Kemi pasur një zonë të ngarkuar atmosferike. Fronti po spostohet në jug. Atje situata është më ndryshe. Atje nuk do të kemi situatën njësoj si në veri. Nuk jemi këtu për të bërë retorika politike se nuk është ky momenti.

Kemi 9 agregatë në punë dhe të vetmit që janë të ndalur janë ato të Fierzës. Pas një viti shumë torturues fushës energjetike, do të mund të kemi prurje të konsiderueshme në hidrocentralin e Fierzës. Ne e ndiejmë detyrim të informojmë se qytetarët dezinformohen nga njerëz që nuk e prekin terrenin dhe kur ka emergjenca e shfrytëzojnë për qëllime politike. Ne e bëjmë pavarësisht punës që kemi dhe përgjegjësisë që duhet të mbajmë. Na është dashur të lëvizim sot kudo në Shqipëri”, theksoi ministrja./ B.A. - CNA.al





Lajmet e fundit nga